വിഴിഞ്ഞം പദ്ധതി നിര്മാണത്തിന് പൊലീസ് സംരക്ഷണം തേടി അദാനി ഗ്രൂപ്പ് നല്കിയ ഹര്ജി ഇന്ന് വീണ്ടും ഹൈക്കോടതി പരിഗണനയില്
വിഴിഞ്ഞം പദ്ധതി നിര്മാണത്തിന് പൊലീസ് സംരക്ഷണം തേടി അദാനി ഗ്രൂപ്പ് നല്കിയ ഹര്ജി ഇന്ന് വീണ്ടും ഹൈക്കോടതി പരിഗണനയില്.
കഴിഞ്ഞ ദിവസത്തെ സംഘര്ഷത്തില് സ്വീകരിച്ച നിയമനടപടികള് അറിയിക്കാനായി സര്ക്കാരിനോട് കോടതി ആവശ്യപ്പെട്ടു.
ലഹളയുണ്ടാക്കിയവര്ക്കെതിരെയും അതിന് പ്രേരിപ്പിച്ചവര്ക്കെതിരെയും നടപടി വേണമെന്നാണ് ആവശ്യത്തിലുള്ളത്. ഇക്കാര്യത്തിലെ തല്സ്ഥിതി വിവരങ്ങള് സര്ക്കാര് കോടതിയെ അറിയിക്കും. എന്നാല് പ്രകോപനമുണ്ടാക്കിയത് സമരക്കാരല്ല പൊലീസാണെന്ന് കോടതിയെ ധരിപ്പിക്കാനുളള നീക്കത്തിലാണ് സമര സമിതി.
ഇതിനിടെ വിഴിഞ്ഞം അക്രമത്തില് എന്ഐഎ അന്വേഷണം ആവശ്യപ്പെട്ട് ഹൈക്കോടതിയില് ഹര്ജി . വിഴിഞ്ഞം സ്വദേശിയായ മുന് ഡിവൈഎസ്പിയാണ് ഹൈക്കോടതിയെ സമീപിച്ചത്.ആക്രമണത്തില് ഗൂഢാലോചന ഉള്പ്പടെ പുറത്ത് കൊണ്ട് വരണമെന്നാണ് ആവശ്യം.
പൊലീസ് സ്റ്റേഷന് ആക്രമണത്തില് പ്രതികളായവര്ക്കെതിരെ കര്ശന നടപടിയെടുക്കണം.ഇത് സംബന്ധിച്ച് സംസ്ഥാന സര്ക്കാരിനും ഡിജിപിക്കും നിര്ദേശം നല്കണം. സര്ക്കാരിന് സാധിച്ചില്ലെങ്കില് കേന്ദ്രസര്ക്കാരിന്റെയോ കേന്ദ്രസേനയുടെയോ സഹായം തേടാന് ഉത്തരവിടണമെന്നും ഹര്ജിയില് ആവശ്യപ്പെട്ടിട്ടുണ്ട്.
വിഴിഞ്ഞം തുറമുഖ നിര്മ്മാണം നിര്ത്തി വയ്ക്കണമെന്ന് ആവശ്യപ്പെട്ട് നടക്കുന്ന സമരം സര്ക്കാരിന് വെല്ലു വിളി ആയിരിക്കെ സമരത്തോട് സ്വീകരിക്കേണ്ട നയസമീപനം സിപിഎമ്മില് ചര്ച്ചയായേക്കും. ഇന്ന് ചേരുന്ന സി.പി.എം സംസ്ഥാന സെക്രട്ടേറിയറ്റ് യോഗം ഇക്കാര്യം വിശദമായി പരിഗണിച്ചേക്കും.
https://www.facebook.com/Malayalivartha
