സരിത എസ് നായരെ വധിക്കാന് മുന് ഡ്രൈവര് ഭക്ഷണത്തില് സ്ലോ പോയ്സണ് കലര്ത്തിയെന്ന കേസ്... വധശ്രമക്കേസ് എടുത്തതിനെ തുടര്ന്ന് ഒളിവില് കഴിയുന്ന വിനുകുമാറിന് മുന് ജാമ്യം, ഡിസംബര് 3 മുതല് 6 വരെ രാവിലെ 10 മണി മുതല് 5 മണി വരെ പരിമിതമായ കസ്റ്റഡിയില് അന്വേഷണ ഉദ്യോഗസ്ഥന് മുമ്പാകെ ചോദ്യം ചെയ്യലിന് ഹാജരാകണം
സോളാര് കേസ് പ്രതി സരിത എസ് നായരെ വധിക്കാന് ഭക്ഷണത്തില് സ്ലോ പോയ്സണ് കലര്ത്തിയെന്ന ആരോപണത്തിലെടുത്ത വധ ശ്രമക്കേസിലെ പ്രതി മുന് ഡ്രൈവര് വിളവൂര്ക്കല് സ്വദേശി ബി. വിനുകുമാറിന് മുന്കൂര് ജാമ്യം അനുവദിച്ചു.
ഡിസംബര് 3 മുതല് 6 വരെ രാവിലെ 10 മണി മുതല് 5 മണി വരെ പരിമിതമായ കസ്റ്റഡിയില് അന്വേഷണ ഉദ്യോഗസ്ഥന് മുമ്പാകെ ചോദ്യം ചെയ്യലിന് ഹാജരാകണം. തുടര്ന്ന് ആവശ്യപ്പെടുമ്പോള് ഹാജരാകണം. ജാമ്യക്കാലയളവില് സമാന കുറ്റകൃത്യങ്ങളില് ഏര്പ്പെടരുത്. സാക്ഷികളെയോ കേസിന്റെ വസ്തുത അറിയാവുന്നവരേയോ ഭീഷണിപ്പെടുത്തുകയോ തെളിവു നശിപ്പിക്കാനോ പാടില്ല. ചോദ്യം ചെയ്ത് ആയുധങ്ങളോ മറ്റു തെളിവുകളോ അന്വേഷണ ഉദ്യോസ്ഥന് ശേഖരിക്കാം.
ഈ നടപടികള് പൂര്ത്തിയാക്കിയ ശേഷം അറസ്റ്റ് ചെയ്യുന്ന പക്ഷം ഉടന് 50,000 രൂപയുടെ ജാമ്യ ബോണ്ടില് വിട്ടയക്കണം. മജിസ്ട്രേട്ട് കോടതിയുടെ മുന്കൂര് അനുമതിയില്ലാതെ കേരളം വിടരുത്. അന്വേഷണവുമായി സഹകരിക്കണം.
ഇരയുമായോ പ്രധാന സാക്ഷികളുമായോ നേരിട്ടോ മറ്റു തരത്തിലോ ആശയ വിനിമയം പാടില്ല എന്നീ ഉപാധികളിലാണ് ജാമ്യം അനുവദിച്ചത്. തിരുവനന്തപുരം ആറാം അഡീ. ജില്ലാ സെഷന്സ് കോടതി ജഡ്ജി കെ.വിഷ്ണുവിന്റേതാണുത്തരവ്. താന് നിരപരാധിയാണെന്നും കേസിനാസ്പദമായ യാതൊരു കുറ്റവും ചെയ്തിട്ടില്ലെന്നും ജാമ്യ ഹര്ജിയില് പ്രതി പറഞ്ഞിരുന്നു.
തന്റെ നിരപരാധിത്വം വിസ്താര മധ്യേ കോടതിക്ക് ബോധ്യപ്പെടുന്നതാണ്. കോടതി കല്പ്പിക്കുന്ന ഏത് ജാമ്യവ്യവസ്ഥയും പാലിക്കാന് താന് തയ്യാറാണ്.ചെയ്യാത്ത കുറ്റത്തിന് കുറ്റസമ്മത മൊഴിക്കായി തന്നെ കസ്റ്റഡിയില് വെച്ച് മാനസികമായും ശാരീരികമായും ക്രൈംബ്രാഞ്ച് പീഡിപ്പിക്കും.
സരിതയുടെ ഡ്രൈവര് കം ബോഡീ ഗാര്ഡായിരുന്ന തനിക്ക് സരിതയുടെ എല്ലാ രഹസ്യങ്ങളുമറിയാവുന്നതാണ്. താന് ഇടക്ക് സരിതയുമായി അഭിപ്രായ വ്യത്യാസമുണ്ടായി തെറ്റിപ്പിരിഞ്ഞതില് വച്ചുള്ള വൈരാഗ്യത്താല് താന് രഹസ്യങ്ങള് പുറത്ത് വിടുമെന്ന് മുന്കൂട്ടി കണ്ട് തനിക്കെതിരെ ജാമ്യമില്ലാ വകുപ്പ് ചുമത്തി കള്ളക്കേസ് എടുപ്പിച്ചതെന്നാണ് വിനു കുമാറിന്റെ പ്രത്യാരോപണം.
തന്റെ വീടും പരിസരവും സെര്ച്ച് നടത്തിയപ്പോള് തന്റെ ഭാര്യയും മക്കളും മാത്രമാണുണ്ടായിരുന്നതെന്നും യാതൊന്നും ക്രൈംബ്രാഞ്ചിന് കണ്ടെത്താനായില്ല. തന്നെ അറസ്റ്റ് ചെയ്യുന്ന പക്ഷം ഉടന് തന്നെ ജാമ്യത്തില് വിട്ടയക്കാന് അന്വേഷണ ഉദ്യോഗസ്ഥന് നിര്ദേശം കൊടുക്കണമെന്നാവശ്യപ്പെട്ടാണ് സി ആര് പി സി വകുപ്പ് 438 പ്രകാരമുള്ള മുന്കൂര് ജാമ്യഹര്ജിയിലെ ആവശ്യം.
"
https://www.facebook.com/Malayalivartha
