ഉമ്മന്‍ചാണ്ടി സര്‍ക്കാര്‍ കാലാവധി പൂര്‍ത്തിയാക്കാന്‍ ആറു മാസം മാത്രം ശേഷിക്കെ ഉദ്യോഗസ്ഥ തലത്തില്‍ സര്‍ക്കാരിനെ അട്ടിമറിക്കാന്‍ നീക്കം ശക്തമായി. ബാര്‍ക്കോഴ കേസില്‍ പഴുതുകളടച്ച അന്വേഷണ റിപ്പോര്‍ട്ട് എസ് പി സുകേശന് തയ്യാറാക്കി നല്‍കിയതുപോലെ രമേശ് ചെന്നിത്തലയെയും കെ ബാബുവിനെയും വെള്ളത്തിലാക്കാനുള്ള ശ്രമങ്ങള്‍ ഉദ്യോഗസ്ഥതലത്തില്‍ ആരംഭിച്ചു കഴിഞ്ഞു. ബാര്‍ക്കേസില്‍ ചെന്നിത്തലയും ശിവകുമാറും ബാബുവും കുരുങ്ങുമെന്നുറപ്പായി.
അതിശക്തമായ ഇടതുപക്ഷ പിന്‍ബലമുള്ള ഉദ്യോഗസ്ഥര്‍ തന്നെയാണ് റിപ്പോര്‍ട്ടുകള്‍ക്ക് പിന്നിലുള്ളത്. കെ എം മാണിക്ക് ഉമ്മന്‍ചാണ്ടിയും സഹപ്രവര്‍ത്തകരും നല്‍കിയ അടി അതേ നാണയത്തില്‍ തിരിച്ചു കിട്ടുകയാണ് ഇപ്പോള്‍.
കെ എം മാണി രാജി വച്ചതിന്റെ പിറ്റേന്ന് രാവിലെയാണ് കെ ബാബുവിന്റെ കുരുക്ക് മുറുകിയത്. അതെങ്ങനെയാണെന്ന് സര്‍ക്കാര്‍ വൃത്തങ്ങള്‍ അത്ഭുതപ്പെട്ടു. ഇത്ര ടൈമിംഗില്‍ പ്രവര്‍ത്തിക്കുന്നതാരെന്ന് സര്‍ക്കാരിന് മനസിലായില്ല. ചിലര്‍ മാണിയുടെ ആരാധകരെ സംശയിക്കുക പോലും ചെയ്തു. എന്നാല്‍ ഇതെല്ലാം മാണിയെയും അത്ഭുതപ്പെടുത്തി.
ബാബു വീഴുമെന്നായപ്പോള്‍ രമേശിന് നേരെയായി യുദ്ധം. രമേശ് വീഴുമ്പോള്‍ ശിവകുമാറിനെ പിടിക്കും.
സര്‍ക്കാരിനെ അട്ടിമറിക്കാന്‍ ഇടതുപക്ഷക്കാരായ ഉദ്യോഗസ്ഥരാണ് സംഭവത്തിന് പിന്നിലുള്ളത്. ഇതില്‍ ഐപിഎസുകാരും ഐഎഎസുകാരുമുണ്ട്. സുകേശന് ബാര്‍ക്കോഴ റിപ്പോര്‍ട്ട് തയ്യാറാക്കി നല്‍കിയത് മുതിര്‍ന്ന ഐ പിഎസ് ഉദ്യോഗസ്ഥനാണ്. എന്നാല്‍ ഇതൊന്നും കാര്യമായെടുക്കാതെ മാണിയുടെ ക്യാമ്പും സര്‍ക്കാര്‍ ക്യാമ്പും സംശയിച്ചത് കോണ്‍ഗ്രസുകാരെയാണ്. എന്നാല്‍ കോണ്‍ഗ്രസുകാര്‍ ഇക്കാര്യത്തില്‍ പൂര്‍ണമായും നിരപരാധികളല്ല അറിഞ്ഞോ അറിയാതെയോ അവര്‍ ഇടതു ഉദ്യോഗസ്ഥരുടെ കൈയ്യില്‍ ചട്ടുകമായി മാറുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha