രാജ്ഭവന്റെ ക്രിസ്മസ് ആഘോഷത്തിന് ഗവർണർ മുഖ്യമന്ത്രിയെയും മന്ത്രിമാരെയും പ്രതിപക്ഷ നേതാവിനെയും ക്ഷണിച്ചിരുന്നു. എന്നാൽ ഇപ്പോഴത്തെ ഏറ്റവും പുതിയ വിവരം പുറത്തുവന്നിരിക്കുന്നത് ഗവർണറുടെ ആ ക്ഷണം സർക്കാർ നിരസിച്ചിരിക്കുകയാണ്.

മുഖ്യമന്ത്രിയും മന്ത്രിമാരും വിരുന്നിൽ പങ്കെടുക്കില്ല. ബുധനാഴ്ചയാണ് രാജ്ഭവനിൽ വിരുന്ന് സംഘടിപ്പിച്ചിരുന്നത്. അന്നേ ദിവസത്തേക്കായിരുന്നു അവരെ അങ്ങോട്ട് ക്ഷണിച്ചത്. മാത്രമല്ല ശ്രദ്ധേയമായ മറ്റൊരു കാര്യം പ്രതിപക്ഷ നേതാവും ഗവർണറുടെ വിരുന്നിൽ പങ്കെടുക്കില്ല എന്നതാണ് .ക്രിസ്മസ് ആഘോഷത്തിനുള്ള ഗവർണർറുടെ ക്ഷണം അവർ നിരസിച്ചിരിക്കുകയാണ് എന്നത് ഞെട്ടൽ ഉളവാക്കുന്ന ഒരു വിവരം തന്നെയാണ്.

എന്തുകൊണ്ട് ഇത്തരത്തിലുള്ള ഒരു തീരുമാനത്തിലെത്തി എന്ന കാര്യത്തിൽ ഇതുവരെ ഒരു വ്യക്തത വന്നിട്ടില്ല. പല പ്രശ്നങ്ങളിലും സർക്കാരിനോട് പോരടിക്കുന്ന ഗവർണർ എല്ലാവരെയും വിരുന്നിന് ക്ഷണിച്ചത് അസാധാരണമായ നീക്കമായിരുന്നു .