മലയാള സിനിമയെ ലോകോത്തര സിനിമയായി മാറ്റുന്ന ഈ അപൂർവ്വ അവസരത്തിൽ പങ്കാളികളാകാൻ മറ്റെല്ലാ ജോലികളും മാറ്റി വെച്ച് സൗദി വെള്ളക്കയുള്ള തിയ്യറ്ററുകളിലേക്ക് ഓടി ചെല്ലുക...അത് നമ്മുടെ സാസംകാരിക ഉത്തരവാദിത്വമാണ്. സൗദി വെള്ളക്കയെ കുറിച്ച് നടൻ ഹരീഷ് പേരടി കുറിച്ച ഫേസ്ബുക്ക് പോസ്റ്റ് ഇങ്ങനെ;

ഒഴുക്കില്ലാതെ വർഷങ്ങളോളം കെട്ടികിടക്കുന്ന വെള്ളകെട്ടുകളുടെ നിശബ്ദതയിലേക്ക് നിങ്ങൾ എപ്പോഴെങ്കില്ലും നോക്കിയിരുന്നിട്ടുണ്ടോ... ഉറഞ്ഞുതുള്ളിയ ഉരുൾപൊട്ടലുകളുടെ അവസാനം എല്ലാ ദുരന്തങ്ങളും ഗർഭത്തിലേറ്റിയ മലഞ്ചെരുവുകളുടെ മൗനം നിങ്ങൾ കണ്ടിട്ടുണ്ടോ... കണ്ടിട്ടില്ലെങ്കിൽ ഈ സിനിമയിലെ ഉമ്മയുടെ മുഖത്തേക്ക് നോക്കിയിരുന്നാൽ മതി... നവരസങ്ങളും ഉരുകിയുറച്ച് ഉറപ്പുള്ള മണ്ണായി.. യഥാർത്ഥ ഭൂമിയമ്മയായി നമ്മുടെ നീതിന്യായ വിവ്യസ്ഥകളിലേക്ക് ഈ അമ്മ നോക്കുന്ന ഒരു നോട്ടമുണ്ട്...

ഉള്ള് പൊളിക്കുന്ന നോട്ടം... തരൂൺ മൂർത്തിയെന്ന പ്രതിഭയുടെ,ഗവേഷകന്റെ വിളയാട്ടം ... ബിനുവും, ഗോകുലനും,സുജിതും,ലുക്കുവും അഭിനേതാക്കൾ എന്ന ആദ്യ പടവിൽ നിന്ന് നടൻമാർ എന്ന രണ്ടാം പടവിലേക്ക് ചവിട്ടി കയ്റുന്ന മനോഹര മുഹൂർത്തം ... ഇവർക്ക് മാത്രമല്ല ഈ സിനിമയുടെ മുന്നിലും പിന്നിലും നിന്ന് ശ്വാസം കഴിച്ച നിർമ്മാതാവ് മുതൽ പ്രൊഡക്ഷൻ ചങ്കിനു വരെ കെട്ടി പിടിച്ച ഉമ്മകൾ... മലയാള സിനിമയെ ലോകോത്തര സിനിമയായി മാറ്റുന്ന ഈ അപൂർവ്വ അവസരത്തിൽ പങ്കാളികളാകാൻ മറ്റെല്ലാ ജോലികളും മാറ്റി വെച്ച് സൗദി വെള്ളക്കയുള്ള തിയ്യറ്ററുകളിലേക്ക് ഓടി ചെല്ലുക... അത് നമ്മുടെ സാസംകാരിക ഉത്തരവാദിത്വമാണ്.