ഗവർണർ സർക്കാർ പോരിൽ നിർണ്ണായകമാകുന്ന ദിവസങ്ങളാണ് ഇനി വരാനിരിക്കുന്നത്. എന്നാൽ ഗവര്‍ണറുമായുള്ള പോരാട്ടം തുടരുന്നതിനിടെ വീണ്ടും അയഞ്ഞിരിക്കുകയാണ് സംസ്ഥാന സര്‍ക്കാര്‍. നിലവിൽ നയപ്രഖ്യാപനത്തിന് തയ്യാറെടുക്കാന്‍ സര്‍ക്കാര്‍ നിര്‍ദേശിച്ചിരിക്കുകയാണ്. തുടർന്ന് അഡീഷണല്‍ ചീഫ് സെക്രട്ടറിയോട് ഗവര്‍ണറുടെ പ്രസംഗം തയ്യാറാക്കാനും മന്ത്രിസഭ നിര്‍ദേശിച്ചു.

അതേസമയം ഗവര്‍ണറുടെ നയപ്രഖ്യാപന പ്രസംഗം തയ്യാറാക്കാതെ മുന്നോട്ട് പോകാനാവില്ലെന്നാണ് സര്‍ക്കാര്‍ നിലപാട് എടുത്തിരിക്കുന്നത്. ഈ സാഹചര്യത്തിൽ നയപ്രഖ്യാപനം നീട്ടി വെക്കുന്നതിനൊപ്പം പ്രസംഗം തയ്യാറാക്കാൻ സർക്കാർ നിർദേശം നൽകി. അഡീഷണൽ ചീഫ് സെക്രട്ടറി ശാരദ മുരളീധരനാണ് ചുമതല നൽകിയത്.

എന്നാൽ ബജറ്റിന് മുമ്പ് നയപ്രഖ്യാപനം ഇല്ലെങ്കിലും അതിന് ശേഷം വേണ്ടിവരും. ഇപ്പോൾ സഭ സമ്മേളനം പിരിയാൻ തീരുമാനിച്ചിട്ടില്ലെന്നാണ് വിവരം. ഇതേസമയം തന്നെ നയ പ്രഖ്യാപന പ്രസംഗം പൂർണ്ണമായും ഒഴിവാക്കാൻ ആകില്ല. ഈ സാഹചര്യത്തിലാണ് പ്രസംഗം തയ്യാറാക്കാൻ നിർദേശം.