പന്തുരുളും പെൺവഴികൾ: ചില്ല ഫൗണ്ടേഷൻ വനിത ഫുട്ബാൾ മത്സരം ഡിസംബർ 16ന്
ഖത്തറിൽ കളി നിയന്ത്രിക്കാനിറങ്ങിയ സ്റ്റെഫാനി ഫ്രപ്പാർട്ടിൽ നിന്ന് പ്രചോദനമുൾക്കൊണ്ട് കൊല്ലത്ത് ഒരു കൂട്ടം വനിതകൾ ഫുട്ബോൾ മത്സരത്തിനിറങ്ങുന്നു . ഡിസംബർ16ന് കൊല്ലം അയത്തിൽ ബൈപ്പാസിലുള്ള MFiP Sports ടർഫിൽ വൈകുന്നേരം 6 മണിക്കാണ് " പന്തുരുളും പെൺവഴികൾ വനിതാ ഫുട്ബോൾ മാച്ച് നടക്കുന്നത്
ലോകകപ്പ് ഫൈനലിന് വേദിയാകുന്ന ഖത്തർ ലുസൈൽ സ്റ്റേഡിയത്തില് ഫുട്ബോള് ആരവങ്ങൾ ഉയരുമ്പോൾ ഇങ്ങ് കൊല്ലത്ത് ഡിസംബർ 16ന് അയത്തിൽ MFiP Sports ടർഫിൽ ചില്ലയുടെ വനിതാ ടീമുകളുടെ സ്വപ്ന പന്ത് ഗോളടിക്കാൻ തയ്യാറെടുക്കുന്നു.
മുട്ടറ ദേശിംഗനാട് സോക്കർ ക്ലബ്ബിലെ സംസ്ഥാന തലത്തിലടക്കം ബൂട്ടണിഞ്ഞ വനിതാ താരങ്ങൾ ആണ് ടീമിൽ അണിനിരക്കുന്നത് . കഴിവുള്ളവരെല്ലാം മുന്നോട്ടു വരണമെന്നാണ് ചില്ലയുടെ സെക്രട്ടറി റാണി നൗഷാദ് പറയുന്നത്.
ചില്ലാ സെക്രട്ടറി റാണി നൗഷാദ്, സംഘടനയുടെ സ്പോർട്സ് എംപവർമെന്റ് ഡയറക്ടർ അഡ്വക്കേറ്റ് ദീപി അശോക്, ട്രഷറർ അർച്ചന ..ചില്ല ജില്ലാ കോ-ഓർഡിനേറ്റർസ് ആയ ജലജാ നരേഷ് , ഷീജാ മണികണ്ഠൻ എന്നിവരാണ് പന്തുരുളും വഴികൾ തെളിക്കുന്നത് . വർഷ, ആരതി എസ്.കുമാർ, പ്രസന്ന എന്നിങ്ങനെ 3 റഫറിമാരും വിസിലുമായി ഇറങ്ങും
സ്ത്രീകൾക്കും കുട്ടികൾക്കും വേണ്ടിയുള്ള ഒരു സ്ത്രീ ശാക്തീകരണ സംഘടനയാണ് ചില്ലാ ഫൗണ്ടേഷൻ .
വനിത കായിക താരങ്ങളുടെ ഉന്നമനം ലക്ഷ്യമാക്കി സംഘടിപ്പിക്കുന്ന ചില്ല പ്രീമിയർ വനിതാഫുട്ബാൾ കപ്പിൽ വിന്നർ വുമൺ, ലേഡി വാരിയേഴ്സ് എന്നീ ടീമുകൾ തമ്മിലുള്ള മത്സരമാണ് നടക്കുക
ഡിസംബർ 16 വൈകിട്ട് 4:00 മണിക്ക് ചില്ലാ ഫൗണ്ടേഷൻ ഒരുക്കുന്ന വനിതാ ഫുട്ബോൾ മാച്ചിന് തുടക്കം കുറിക്കും . വൈകുന്നേരം 4 മുതൽ സൂംബ ഫിറ്റ്നസ്സ് പ്രോഗ്രാം , തുടർന്ന് 4:30 ന് ബാലഭവനിലെ കുട്ടികളുടെ പ്രദർശന ഫുട്ബോൾ മത്സരം എന്നിവയും ഉണ്ടാകും . .
6 മണിക്കാണ് വനിതാ ഫുട്ബോൾ മാച്ച് ഉദ്ഘാടനവും,മത്സരവും . മത്സരം കളക്ടർ അഫ്സാന പർവീൺ ഉദ്ഘാടനം ചെയ്യും. ജില്ലയിലെ വനിതകളായ കായികതാരങ്ങളുടെ ഉന്നമനം ലക്ഷ്യമാക്കിയാണ് മത്സരം സംഘടിപ്പിക്കുന്നതെന്നും വനിതകൾക്കുവേണ്ടി ഫുട്ബോൾ പരിശീലന ക്യാമ്പ് സംഘടിപ്പിക്കുമെന്നും ഭാരവാഹികൾ അറിയിച്ചു.......
എം.നൗഷാദ് എം.എൽ.എ, മേയർ പ്രസന്ന ഏണസ്റ്റ്, വനിതാകമ്മിഷൻ മുൻ അംഗം ഷാഹിദ കമാൽ, ജില്ലാ പൊലീസ് മേധാവി, ഡി.ടി.പി.സി സെക്രട്ടറി രമ്യ, വനിതാ ശിശുക്ഷേമ വകുപ്പ് ജില്ലാ ഓഫീസർ ബിജി തുടങ്ങിയവർ പങ്കെടുക്കും എന്ന് സംഘടനയുടെ സ്പോർട്സ് എംപവർമെന്റ് ഡയറക്ടർ അഡ്വക്കേറ്റ് ദീപി അശോക് അറിയിച്ചു
https://www.facebook.com/Malayalivartha