തൃശൂരിൽ ഓട്ടോറിക്ഷ മറിഞ്ഞ് അപകടം. സംഭവത്തിൽ ആറ് കുട്ടികൾക്ക് പരിക്കേറ്റു. തൃശൂർ കൊടുങ്ങലൂരിലാണ് അപകടം ഉണ്ടായത്. എന്നാൽ ആരുടെയും പരിക്ക് ​ഗുരുതരമല്ല. കൊടുങ്ങല്ലൂർ ടികെഎസ് പുരത്ത് സാന്താ മരിയ സ്കൂളിന് എതിർ വശത്തായിരുന്നു അപകടം. 

അതേസമയം ഇന്ന് രാവിലെ ഒമ്പതോടെയായിരുന്നു സംഭവം നടന്നത്. സ്കൂളിലേക്ക് കുട്ടികളെ കൊണ്ടുപോയ ഓട്ടോയാണ് അപകടത്തിൽപ്പെട്ടത്. ഈ സമയത്ത് മോട്ടോർ ബൈക്കിൽ ഇടിക്കാതിരിക്കാൻ ബ്രേക്ക് ചവിട്ടിയതിനെ തുടർന്നാണ് ഓട്ടോറിക്ഷ നിയന്ത്രണം വിട്ട് മറിഞ്ഞത്.

ഉടനെ തന്നെ നാട്ടുകാരും പൊലീസും സ്ഥലത്തെത്തി രക്ഷാപ്രവർത്തനം നടത്തുകയായിരുന്നു. പരിക്കേറ്റ കുട്ടികളെ സ്വകാര്യ ആശുപത്രിയിൽ പ്രവേശിപ്പിച്ചു.