അന്വേഷണത്തിന് വേണ്ടി പോയി മടങ്ങവെ, നായ കുറുകെ ചാടി: പൊലീസ് ജീപ്പ് തലകീഴായി മറിഞ്ഞു: മൂന്ന് പൊലീസുകാർക്ക് ഗുരുതരം
വിഴിഞ്ഞത്ത് നായ കുറുകെ ചാടിയതിനെ തുടർന്ന് പൊലീസ് ജീപ്പ് തലകീഴായി മറിഞ്ഞു അപകടം. നായ കുറുകെ ചാടിയപ്പോള് ബ്രേക്കിട്ട പൊലീസ് ജീപ്പ് തലകീഴായി മറിയുകയായിരുന്നു. തിരുവല്ലം-കോവളം ബൈപ്പാസില് വാഴമുട്ടത്തിനടുത്ത് വിഴിഞ്ഞം സ്റ്റേഷനിലെ ജീപ്പാണ് തല കീഴായി മറിഞ്ഞത്.
വ്യാഴാഴ്ച്ച അര്ധരാത്രി ഒന്നരയോടെയാണ് സംഭവം നടന്നത്. അതേസമയം അപകടത്തില് എസ്ഐ ഉള്പ്പെടെ മൂന്നുപേര്ക്ക് ഗുരുതരമായി പരുക്കേറ്റു. മാത്രമല്ല സ്റ്റേഷനിലെ കമ്യൂണിറ്റി റസിഡന്സ് ഓഫീസര് ജോണ് ബ്രിട്ടോ, സിപിഒ സജ്ഞു, ഹോം ഗാര്ഡ് ജോസ് എന്നിവര്ക്കാണ് പരുക്കേറ്റത്. സംഭവത്തെ തുടർന്ന് ഇവരെ സ്വകാര്യ ആശുപത്രിയിലെ തീവ്രപരിചരണ വിഭാഗത്തില് പ്രവേശിപ്പിച്ചിരിക്കുകയാണ്.
അപകടത്തിൽ ജീപ്പിന്റെ മുന്ഭാഗം പൂര്ണമായും തകര്ന്നു. ഇന്നലെ വിഴിഞ്ഞം ടൗണ്ഷിപ്പ് കോളനിയില് നിന്ന് ലഭിച്ച പരാതി അന്വേഷിക്കാന് വേണ്ടി പോയി മടങ്ങവെയാണ് അപകടം ഉണ്ടായത്. സംഭവത്തെ തുടർന്ന് ക്രെയിനെത്തിച്ചാണ് റോഡില് നിന്നും ജീപ്പ് നീക്കിയത്. ജീപ്പ് തിരുവല്ലം പൊലീസ് സ്റ്റേഷനിലേക്ക് മാറ്റി. വിഴിഞ്ഞം പൊലീസ് സ്റ്റേഷന് ആക്രമണത്തില് തകര്ന്ന ജീപ്പിന് പകരം കിട്ടിയ ജീപ്പാണ് അപകടത്തില് തകര്ന്നത്.
https://www.facebook.com/Malayalivartha
