കെഎസ്ആര്ടിസി ജീവനക്കാര് കാക്കി യൂണിഫോമിലേക്ക് തിരികെയെത്തുന്നു.....ജനുവരി മുതല് മാറ്റം വരുത്താനൊരുങ്ങി മാനേജ്മെന്റ്
കെഎസ്ആര്ടിസി ജീവനക്കാര് കാക്കി യൂണിഫോമിലേക്ക് മടങ്ങുന്നു. ജനുവരി മുതല് മാറ്റം വരുത്താനാണ് മാനേജ്മെന്റ് ആലോചിക്കുന്നത്. ഇത് സംബന്ധിച്ച് തൊഴിലാളി യൂണിയനുകളുമായി സിഎംഡി ചര്ച്ച നടത്തുകയും ചെയ്തു.
യൂണിയന് ഭേദമന്യേ കെഎസ്ആര്ടിസിയിലെ ജീവനക്കാര് ഏറെ നാളായി ഉയര്ത്തിയ ആവശ്യത്തിന് മാനേജ്മെന്റിന്റെ അംഗീകാരമായി. എട്ട് വര്ഷങ്ങള്ക്കിപ്പുറം കെഎസ്ആര്ടിസി ജീവനക്കാരുടെ യൂണിഫോം വീണ്ടും കാക്കിയിലേക്ക് വരികയാണ്. ഡ്രൈവര്ക്കും കണ്ടക്ടര്ക്കും ഇന്സ്പെക്ടര്ക്കും കാക്കി.
സീനിയോറിറ്റി അറിയാനായി പ്രത്യേക ബാഡ്ജും ചിഹ്നങ്ങളും ഉള്പ്പെടുത്തും. മെക്കാനിക്കല് ജീവനക്കാര്ക്ക് നീല യൂണിഫോം ആയിരിക്കും. യൂണിഫോമിനുള്ള ബള്ക്ക് ഓര്ഡര് ഉടന് നല്കുകയും ചെയ്യും.
മൂന്ന് പതിറ്റാണ്ട് നിന്ന കെഎസ്ആര്ടിസിയിലെ കാക്കി യൂണിഫോമിന് 2015ലാണ് മാറ്റം വന്നത്. കെഎസ്ആര്ടിസിയില് പുതുമയും പ്രൊഫഷണല് മുഖവും കൊണ്ടുവരാനായിരുന്നു മാറ്റം. കണ്ടക്ടര്മാരുടെയും ഡ്രൈവര്മാരുടെയും യൂണിഫോം നീല ഷര്ട്ടും കടും നീല പാന്റുമാക്കി. മെക്കാനിക്കല് ജീവനക്കാര്ക്ക് ചാര നിറം. ഇന്സ്പെക്ടര്മാരുടേത് മങ്ങിയ വെള്ള ഷര്ട്ടും കറുത്ത പാന്റുമായിരുന്നു.
https://www.facebook.com/Malayalivartha
