സി.ഐ.ടി.യു 15ാം സംസ്ഥാന സമ്മേളനത്തിന് ഇന്ന് കോഴിക്കോട്ട് തുടക്കം....ത്രിദിന സമ്മേളനം രാവിലെ 10ന് ടാഗോര് സെന്റിനറി ഹാളില് സി.ഐ.ടി.യു ജനറല് സെക്രട്ടറി തപന് സെന് ഉദ്ഘാടനം ചെയ്യും
സി.ഐ.ടി.യു 15ാം സംസ്ഥാന സമ്മേളനത്തിന് ശനിയാഴ്ച കോഴിക്കോട്ട് തുടക്കം. ത്രിദിന സമ്മേളനം രാവിലെ 10ന് ടാഗോര് സെന്റിനറി ഹാളില് (കാട്ടാക്കട ശശി നഗര്) സി.ഐ.ടി.യു ജനറല് സെക്രട്ടറി തപന് സെന് ഉദ്ഘാടനം ചെയ്യും.
പൊതുസമ്മേളന നഗരിയായ കോഴിക്കോട് കടപ്പുറത്ത് ചെമ്പതാക ഉയര്ന്നു. വെള്ളിയാഴ്ച വൈകുന്നേരം് പതാക-കൊടിമര ജാഥകള് സംഗമിച്ച ശേഷം നൂറുകണക്കിന് തൊഴിലാളികളുടെ മുദ്രാവാക്യം വിളികളുടെ അകമ്പടിയോടെ സ്വാഗതസംഘം ചെയര്മാന് ടി.പി. രാമകൃഷ്ണന് എം.എല്.എ പതാക ഉയര്ത്തി.
പതാക ജാഥ ഒഞ്ചിയം രക്തസാക്ഷി മണ്ഡപത്തില്നിന്ന് സംസ്ഥാന സെക്രട്ടറി കെ.പി. സഹദേവന്റെ നേതൃത്വത്തിലും കൊടിമര ജാഥ കുണ്ടുതോട് പാപ്പച്ചന് രക്തസാക്ഷി മണ്ഡപത്തില് നിന്ന് സംസ്ഥാന സെക്രട്ടറി കെ.എസ്. സുനില്കുമാറിന്റെ നേതൃത്വത്തിലുമായിരുന്നു.ജനറല് സെക്രട്ടറി എളമരം കരീം എം.പി പ്രവര്ത്തന റിപ്പോര്ട്ടും ട്രഷറര് പി. നന്ദകുമാര് കണക്കും അവതരിപ്പിക്കും. ഞായറാഴ്ച പ്രവര്ത്തന റിപ്പോര്ട്ടില് ചര്ച്ച തുടരും.തിങ്കളാഴ്ച പുതിയ ഭാരവാഹികളെയും കമ്മിറ്റിയെയും അഖിലേന്ത്യ സമ്മേളന പ്രതിനിധികളെയും തെരഞ്ഞെടുക്കും. വൈകീട്ട് അഞ്ചിന് രണ്ടുലക്ഷം പേര് അണിനിരക്കുന്ന റാലിയോടെയാണ് സമാപനം. പൊതുസമ്മേളനം കടപ്പുറത്ത് മുഖ്യമന്ത്രി പിണറായി വിജയന് ഉദ്ഘാടനം ചെയ്യും.
"
https://www.facebook.com/Malayalivartha
