കാൽപന്തുകളിയുടെ ആവേശം ഇനി അന്യ നാടുകളിൽ മാത്രം അല്ല. ഇന്ത്യയിലും മുഴങ്ങും. ഫുടബോൾ കളിയുടെ ആവേശം ഇനി ഇന്ത്യയിലും ഉയരും . വമ്പൻ ഉറപ്പു നൽകി ഇന്ത്യൻ പ്രധാനമന്ത്രി നരേന്ദ്രമോദി. ഖത്തറിലേതുപോലെ ഒരു ഉത്സവം ഇന്ത്യയിലും നടക്കുമെന്ന് പ്രധാനമന്ത്രി നരേന്ദ്ര മോദി പറഞ്ഞിരിക്കുകയാണ്. ഫുട്ബോൾ ലോകകപ്പ് ആവേശത്തെക്കുറിച്ച് ആയിരുന്നു അദ്ദേഹം പറഞ്ഞത് . ത്രിവർണ പതാകയ്ക്കായി ജനങ്ങൾ ആർത്തുവിളിക്കുമെന്നും അദ്ദേഹം വ്യക്തമാക്കിയിരിക്കുകയാണ് .

അങ്ങനെയൊരു ദിനം വിദൂരമല്ലെന്നും പ്രധാനമന്ത്രിയുടെ ഉറപ്പ്. നമ്മളിന്ന് ഖത്തറിലെ കളിയാണ് നോക്കുന്നത് . അവിടെ കളത്തിൽ ഇറങ്ങിയിരിക്കുന്ന വിദേശ ടീമുകളെ നോക്കുന്നുവെന്നും മോദി ചൂണ്ടിക്കാണിച്ചു . എന്നാൽ ഈ രാജ്യത്തെ യുവജനതയിൽ എനിക്ക് വിശ്വാസമുണ്ട് എന്നാണ് അദ്ദേഹം പറഞ്ഞിരിക്കുന്നത് . അതുകൊണ്ട് ആ ദിനം വിദൂരമല്ലെന്ന് എനിക്ക് ഉറപ്പാണ് എന്നും മോദി പറഞ്ഞു . അതുപോലൊരു ഉത്സവം ഇന്ത്യയിൽ നമ്മൾ നടത്തും.

അന്ന് ത്രിവർണ പതാകയ്ക്കുവേണ്ടി ജനം ആർത്തുവിളിക്കുമെന്നും മോദി വ്യക്തമാക്കി. എന്തായാലും പ്രധാനമന്ത്രിയുടെ ഈ വാക്കുകൾ കേട്ട് രാജ്യം ആവേശത്തിലാണ്. പ്രത്യേകിച്ച് ഫുട്ബോൾ ആരാധകർ മൊത്തം ആവേശത്തിലാണ്. മേഘാലയയിലെ ഷില്ലോങ്ങിൽ സംസാരിക്കുകയുമായിരുന്നു അദ്ദേഹം. ഷില്ലോങ്ങിൽ നോർത്ത് ഈസ്റ്റേൺ കൗൺസിലിന്റെ ജൂബിലി ആഘോഷങ്ങളിൽ പങ്കെടുത്തു സംസാരിക്കുകയായിരുന്നു പ്രധാനമന്ത്രി. കേന്ദ്രമന്ത്രിമാരായ അമിത് ഷാ, ജി.കിഷൻ റെഡ്ഡി എന്നിവരും വടക്കുകിഴക്കൻ സംസ്ഥാനങ്ങളിലെ മുഖ്യമന്ത്രിമാരും ചടങ്ങിൽ ഉണ്ടായിയുരുന്നു പങ്കെടുത്തു.

അതേസമയം ഖത്തറില്‍ ഇന്ന് കലാശപോരാട്ടം ..... ലോകകപ്പ് ഫൈനലിന് മണിക്കൂറുകള്‍ മാത്രം.... ആര് കപ്പ് നേടുമെന്ന ആകാംക്ഷയോടെ ആരാധകര്‍ കാത്തിരിക്കുകയാണ് . ഗോള്‍ഡന്‍ ബൂട്ടിനായി ലയണല്‍ മെസ്സിയും കൈലിയന്‍ എംബാപ്പെയും കച്ചമുറുക്കുമ്പോള്‍ കളിയുടെ ഓരോ നിമിഷവും സംഘര്‍ഷഭരിതമാകാതെ തരമില്ല.

ഖത്തറിന്റെ മണ്ണില്‍ അട്ടിമറിയുടെ ആവേശം പലവുരു നിറച്ച ഫുട്ബാള്‍ മാമാങ്കത്തിന്റെ കലാശപ്പോരിന് ഇന്ന് രാത്രി 8.30ന് വിസില്‍ മുഴങ്ങുമ്പോള്‍ ലോകം ഉറ്റുനോക്കുന്നത് ഈ ചോദ്യത്തിന്റെ ഉത്തരത്തിലേക്ക്.1986ല്‍ ആസ്‌ടെക് സ്റ്റേഡിയത്തില്‍ മറഡോണ കിരീടമുയര്‍ത്തിയ ശേഷം അര്‍ജന്റീനയ്ക്ക് കിട്ടാക്കനിയായ ലോകകപ്പ് തേടി തന്റെ രണ്ടാം ഫൈനലില്‍ ഇറങ്ങുകയാണ് മെസി.മറുവശത്ത് എംബാപ്പെ, ജിറൂദ്,നായകനും ഗോളിയുമായ ഹ്യൂഗോ ലോറിസ്, ഗ്രീസ്മാന്‍,ഡെംബലെ തുടങ്ങി ഫ്രഞ്ച് പടയില്‍ ഒട്ടുമിക്കവരും ഉജ്ജ്വല ഫോമിലാണ്.