"നായ " പരാമർശം നടത്തിയത് സംവിധായകരായ പ്രിയദർശനോ മേജർ രവിയോ സനൽ കുമാർ ശശിധരനോ ആണെന്ന് വെറുതെയൊന്ന് സങ്കല്പിക്കുക.. എങ്കിൽ സച്ചിദാനന്ദൻ, സാറാ ജോസഫ് ,കുരീപ്പുഴ,ചുള്ളിക്കാട് തുടങ്ങി സുനിൽ പി ഇളയിടം,ശ്രീചിത്രൻ വരെയുള്ള സാംസ്കാരിക നായകർ വായ 90 ഡിഗ്രി മലർക്കെ തുറക്കുമായിരുന്നു! ഭാഗ്യലക്ഷ്മിയും സജിതാ മഠത്തിലും റിമയും തുടങ്ങി നിമിഷാ സജയൻ വരെ ഫാസിസം, ജന്മിത്വം എന്നൊക്കെ അലറി വിളിച്ചു രംഗത്തിറങ്ങുമായിരുന്നു!!

ബൗദ്ധികനിലവാരം വല്ലാതെ കൂടിയതുക്കൊണ്ട് ഇടതുപക്ഷം ചേർന്നു നടന്നുനീങ്ങുന്ന ഫ്യൂഡൽ മാടമ്പിക്ക് നന്നായിട്ടറിയാം ഈ വേറളത്തിൽ തനിക്ക് ലഭിച്ച സാംസ്കാരിക നായകത്വത്തിൻ്റെ പട്ടും വളയും ചുവപ്പിനൊപ്പം നടക്കുവോളം സുരക്ഷിതമായിരിക്കുമെന്ന്. ! തുറന്നടിച്ച് അഞ്ജു പാർവതി പ്രഭീഷ്. ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;

"നായ " പരാമർശം നടത്തിയത് സംവിധായകരായ പ്രിയദർശനോ മേജർ രവിയോ സനൽ കുമാർ ശശിധരനോ ആണെന്ന് വെറുതെയൊന്ന് സങ്കല്പിക്കുക.. എങ്കിൽ സച്ചിദാനന്ദൻ, സാറാ ജോസഫ് ,കുരീപ്പുഴ,ചുള്ളിക്കാട് തുടങ്ങി സുനിൽ പി ഇളയിടം,ശ്രീചിത്രൻ വരെയുള്ള സാംസ്കാരിക നായകർ വായ 90 ഡിഗ്രി മലർക്കെ തുറക്കുമായിരുന്നു! ഭാഗ്യലക്ഷ്മിയും സജിതാ മഠത്തിലും റിമയും തുടങ്ങി നിമിഷാ സജയൻ വരെ ഫാസിസം, ജന്മിത്വം എന്നൊക്കെ അലറി വിളിച്ചു രംഗത്തിറങ്ങുമായിരുന്നു!!

എഴുത്തിടങ്ങളിലെ വൈകാരിക പരിസരങ്ങളിൽ നിന്നൊക്കെ സവർണ്ണത, മാടമ്പിത്തരം മുടങ്ങിയതിനെ കുറിച്ച് ഖണ്ഡ ഖണ്ഡമായി പോസ്റ്റുകൾ നാട്ടപ്പെടുമായിരുന്നു! ! സൈബർപോരാളികൾ ഒരു കാതം മുന്നേ കയറി മേജർ രവിയുടെ മേജർ പദവിയിൽ കയറിപ്പിടിച്ച് ഇന്ത്യൻ പട്ടാളത്തിനിട്ട് കൂടി കൊട്ട് കൊടുക്കുമായിരുന്നു ! ! പത്മരാജൻ സിനിമകൾ ഒന്നൊന്നായിട്ടെടുത്ത് കീറിമുറിച്ച് അതിലെ സവർണ്ണ എലമെന്റ്സ് ഒന്നൊന്നായി ചികഞ്ഞെടുത്ത് ചർച്ച ചെയ്യുന്ന ടീമുകളിലാരെങ്കിലും രഞ്ജിതിൻ്റെ വാക്കുകളിലെ ധാർഷ്ട്യത്തെ അഡ്രസ്സ് ചെയ്തോ? ഇല്ല ! ഇല്ലേയില്ല !

പ്രിയദർശൻ സിനിമകളിൽ നായരിസവും സവർണ്ണതയും ഒളിച്ചു കടത്തുന്നുവെന്നാരോപിക്കുന്ന ഒറ്റ ഒരെണ്ണമെങ്കിലും അയാളുടെ വാക്കുകളിലെ ജീർണ്ണതയെ പ്രതി സംസാരിച്ചുവോ? ഇല്ലേ ഇല്ല ! ഇടതോരം ചേർന്നു നടന്നതുകൊണ്ടു മാത്രം ലഭിച്ച പ്രിവിലേജ് കസേരയിലിരുന്ന് അയാൾ കാലിന്മേൽ കാലും മടക്കി വച്ച് അസ്സൽ ഫ്യൂഡൽ മനോഭാവം പുറത്തെടുക്കുമ്പോൾ, കലാസ്വാദകരെ നായകളായി ഉപമിക്കുമ്പോൾ കണ്ടില്ലെന്നു നടിക്കുന്ന അതേ ടീമുകൾ പക്ഷേ എൺപതുകളിലെയും തൊണ്ണൂറുകളിലെയും പച്ചയായ ജീവിതസ്പർശമുളള അന്നത്തെ സിനിമകളിൽ നായർ തറവാടോ അതിന്റെ ഓരത്ത് താമസിക്കുന്ന കുടിയാന്റെ കുടിലോ കണ്ടാൽ നായർ ഹെജിമണിയും സവർണ്ണ ഹെജിമണിയും പൊക്കിപ്പിടിച്ച് രണ്ട് റൗണ്ട് ഓടും .

രഞ്ജിത്തിൽ കാണാത്ത ഫ്യൂഡലിസം മേലേടത്ത് രാഘവൻ നായരിൽ ആരോപിക്കും. ബൗദ്ധികനിലവാരം വല്ലാതെ കൂടിയതുക്കൊണ്ട് ഇടതുപക്ഷം ചേർന്നു നടന്നുനീങ്ങുന്ന ഫ്യൂഡൽ മാടമ്പിക്ക് നന്നായിട്ടറിയാം ഈ വേറളത്തിൽ തനിക്ക് ലഭിച്ച സാംസ്കാരിക നായകത്വത്തിൻ്റെ പട്ടും വളയും ചുവപ്പിനൊപ്പം നടക്കുവോളം സുരക്ഷിതമായിരിക്കുമെന്ന്. !