ഫിഫ ലോകകപ്പ് ഫൈനൽ മത്സരം ആരംഭിക്കാൻ ഇനി നിമിഷങ്ങൾ മാത്രമാണ് ബാക്കിയുള്ളത്. എപ്പോഴുത്ത മെസ്സി മലയാളി ആയിരുന്നുവെങ്കിൽ എന്നതിനെ മുൻനിർത്തി ജസ്ല മസ്ദാശ്ശേരി കുറിക്കുന്നു.

ഫേസ്ബുക്ക് കുറിപ്പ് ഇങ്ങനെ;

മെസ്സി മലയാളിയായിരുന്നെങ്കിൽ....
നാലു വയസിൽ ഫുട്ബോൾ ക്ലബ്ബിൽ ചേർക്കുമ്പൊ :
" ശോ ആ ഇച്ചിരെയില്ലാത്ത കൊച്ചിന്റത്രേം വല്യ പന്തുമായിട്ട്‌ കളിക്കാൻ വിട്ടിരിക്കുന്നു "
പിന്നെ വളർച്ചാ ഹോർമോണിന്റെ കുറവിനെക്കുറിച്ച്‌ അറിയുന്നു.
" എനിക്ക്‌ അന്നേ തോന്നിയതാ. . .ഇച്ചിരെയില്ലാത്ത അതിനെ കളിക്കാൻ വിട്ടപ്പഴേ എന്തേലും തട്ടുകേട്‌ പറ്റുമെന്ന് "
എന്നിട്ടും കളി തുടരുന്നു.
" ആ തള്ളയ്ക്കും തന്തയ്ക്കും ഇതെന്തിന്റെ സൂക്കേടാണോ, എണീറ്റ്‌ നിക്കാൻ ആവതില്ലാത്ത അതിനെ കളിക്കാൻ വിട്ടേക്കുന്നു "
സ്കൂളിൽ ചേർക്കാറാവുമ്പൊ
" നാലക്ഷരം പഠിക്കാൻ നോക്ക്‌ ചെറുക്കാ. . അല്ലാതെ ഈ കളിച്ചുനടന്നിട്ടൊക്കെ എന്നാ കിട്ടാനാ? "
പത്താം ക്ലാസിൽ
" ഇനിയെങ്കിലും വല്ലോം ഇരുന്ന് പഠിക്ക്‌. . ഈ കളിയെന്നൊക്കെപ്പറഞ്ഞ്‌ ജീവിതം കളയാനായിട്ട്‌ "
പത്ത്‌ കഴിയുമ്പൊ. .
" ആ ചെറുക്കൻ ഫുൾ ടൈം ഒഴപ്പി നടക്കുവാണല്ലോ. .ഏത്‌ നേരം നോക്കിയാലും വല്ല ഗ്രൗണ്ടിലും കാണാം "
" എൻട്രൻസ്‌ വല്ലോം എഴുതുന്നുണ്ടോ മോനേ? "
പത്തിരുപത്തഞ്ച്‌ വയസ്‌ കഴിയുന്നു
" അവനെ പിടിച്ചൊരു പെണ്ണു കെട്ടിക്ക്‌. . . ഈ കളിയൊക്കെ മാറിക്കോളും. ."
" എവിടെത്തേണ്ട പയ്യനാരുന്നു. . .ഇപ്പൊ കണ്ടില്ലേ "
ഇത്രയൊക്കെ കേട്ടിട്ടും മെസ്സി കളിച്ചു ജയിച്ച്‌ ലോകകപ്പിലെത്തിയെന്ന് വച്ചോ. . .ഇന്ത്യൻ ജഴ്സിയിൽ..
"എനിക്കന്നേ അറിയാരുന്നു... അവൻ വല്യ ആളാവും ന്ന്. . .കുഞ്ഞാരുന്നപ്പൊഴേ ഞാൻ പറഞ്ഞതല്ലാരുന്നോ"