കരിയറിലെ ഏറ്റവും അമൂല്യമായ നേട്ടം കൈവരിച്ചാണ് വിശ്വ ഫുട്ബോളര് ലയണല് മെസ്സി അര്ജന്റീനയെ വിജയത്തിലേക്ക് നയിച്ചത്... ലോകകപ്പ് ഫുട്ബോള് വിജയികളായ അര്ജന്റീനയ്ക്ക് അഭിനന്ദനവുമായി മുഖ്യമന്ത്രി പിണറായി വിജയന്....
ലോകകപ്പ് ഫുട്ബോള് വിജയികളായ അര്ജന്റീനയ്ക്ക് അഭിനന്ദനവുമായി മുഖ്യമന്ത്രി പിണറായി വിജയന്. കരിയറിലെ ഏറ്റവും അമൂല്യമായ നേട്ടം കൈവരിച്ചാണ് വിശ്വ ഫുട്ബോളര് ലയണല് മെസ്സി അര്ജന്റീനയെ വിജയത്തിലേക്ക് നയിച്ചതെന്നു മുഖ്യമന്ത്രി ഫെയ്സ്ബുക്ക് കുറിപ്പില് പ്രതികരിച്ചു. ''പിന്നില് നിന്നും തിരിച്ചു വന്നു പൊരുതിയ ഫ്രാന്സ് ഫൈനല് മത്സരം ആവേശോജ്ജ്വലമാക്കി. അവസാന നിമിഷം വരെ ഉദ്വേഗജനകമായ മത്സരം ഖത്തര് ലോകകപ്പിനെ ഫിഫ ലോകകപ്പിലെ സമുജ്ജ്വലമായ അധ്യായമാക്കി മാറ്റി.''
ഫുട്ബോള് എന്ന മനോഹരമായ കളിയുടെ അതുല്യ ആവിഷ്കാരങ്ങളാണ് ഈ ടൂര്ണമെന്റിലുടനീളം കണ്ടത്. പങ്കെടുത്ത എല്ലാവര്ക്കും ആശംസകള്. ഇനി അടുത്ത ലോകകപ്പിനായി നമ്മള് ഫുട്ബോള് പ്രേമികള്ക്കു കാത്തിരിക്കാം.'' മുഖ്യമന്ത്രി പ്രതികരിച്ചു. കലാശപ്പോരാട്ടത്തില് നിലവിലെ ചാംപ്യന്മാരായ ഫ്രാന്സിനെ പെനല്റ്റി ഷൂട്ടൗട്ടില് വീഴ്ത്തിയാണ്
ഷൂട്ടൗട്ടില് 4-2നാണ് അര്ജന്റീന ഫ്രാന്സിനെ വീഴ്ത്തിയത്. നിശ്ചിത സമയത്ത് ഇരു ടീമുകളും രണ്ടു ഗോള് വീതമടിച്ചും എക്സ്ട്രാ ടൈമില് ഓരോ ഗോള് വീതമടിച്ചും 3-3ന് സമനില പാലിച്ചതോടെയാണ് വിജയികളെ കണ്ടെത്താനായി ഷൂട്ടൗട്ട് വേണ്ടി വന്നത്. അങ്ങനെയാണ് ഖത്തര് ലോകകപ്പില് അര്ജന്റീന കിരീടം തൊട്ടത്.
https://www.facebook.com/Malayalivartha
