ഒരാഴ്ചക്കുള്ളില് ക്ഷേത്രത്തിലും ഇരുപതോളം വ്യാപാര സ്ഥാപനങ്ങളിലും മോഷണം.... മാന്നാറിലും പരിസര പ്രദേശങ്ങളിലും നിരവധി വ്യാപാരസ്ഥാപനങ്ങളില് മോഷണങ്ങള് നടത്തി പൊലീസിന്റെ ഉറക്കം കെടുത്തിയ മോഷ്ടാവ് പൊലീസിന്റെ വലയില്.....
ഒരാഴ്ചക്കുള്ളില് ക്ഷേത്രത്തിലും ഇരുപതോളം വ്യാപാര സ്ഥാപനങ്ങളിലും മോഷണം.... മാന്നാറിലും പരിസര പ്രദേശങ്ങളിലും നിരവധി വ്യാപാരസ്ഥാപനങ്ങളില് മോഷണങ്ങള് നടത്തി പൊലീസിന്റെ ഉറക്കം കെടുത്തിയ മോഷ്ടാവ് പൊലീസിന്റെ വലയില്.....
കൊട്ടാരക്കര മേലില ചെങ്ങമനാട് റഫീഖ് മന്സിലില് റഫീഖ് എന്ന സതീഷ് (41)നെയാണ് മാന്നാര്പൊലീസ് പിടികൂടിയത്. മാന്നാര്, പരുമല, ചെന്നിത്തല പ്രദേശങ്ങളിലായി ഒരാഴ്ചക്കുള്ളില് ഇരുപതോളം വ്യാപാര സ്ഥാപനങ്ങളിലും ഒരു ക്ഷേത്രത്തിലുമാണ് മോഷണം നടന്നത്.
ഒരു വീടിനു നാശനഷ്ടങ്ങളും വരുത്തിയ പ്രതി ഏഴോളം വ്യാപാരസ്ഥാപനങ്ങളില് മോഷണശ്രമവും നടത്തി. എല്ലായിടത്തും സമാനരീതിയില് നടന്ന മോഷണങ്ങള്ക്ക് പിന്നില് ഒരാളാണെന്ന നിഗമനത്തിന്റെ അടിസ്ഥാനത്തില് മാന്നാര് പോലിസ് നടത്തിയ ശാസ്ത്രീയമായ അന്വേഷണങ്ങളില് മോഷ്ടാവ് കുടുങ്ങി.
കൊല്ലം, തിരുവനന്തപുരം ജില്ലകളിലായി നിരവധി മോഷണക്കേസുകളില് പ്രതിയും, പലതവണ ജയില് ശിക്ഷ അനുഭവിച്ചിട്ടുമുള്ള പ്രതി ആഴ്ചകള്ക്കു മുമ്പാണ് ജയിലില് നിന്ന് ജാമ്യത്തില് ഇറങ്ങിയത്.
മാന്നാര്-തിരുവല്ല റോഡിന്റെ ഇരുവശങ്ങളിലുമുള്ള സി സി ടി വികള് പരിശോധിച്ച് സംശയമുള്ളവരെ കേന്ദ്രീകരിച്ച് മാന്നാര് പൊലീസ് നടത്തിയ അന്വേഷണത്തില് അടൂര് ഏഴംകുളം ഭാഗത്തുള്ള ഒരു ലോഡ്ജില് നിന്നുമാണ് പ്രതിയെ പിടികൂടിയത്. അറസ്റ്റിലായ പ്രതിയുമായി മോഷണം നടന്ന സ്ഥലങ്ങളില് പോലിസ് തെളിവെടുപ്പ് നടത്തി.
"
https://www.facebook.com/Malayalivartha
