തരൂരിന്റൈ ചങ്കിടിപ്പേറി കെ.സി. കേസില് നിന്നൂരി. കെട്ടും ഭാണ്ഡവും മുറുക്കി. സരിതനായരും പിണറായിയും.
സോളാര് പീഡന കേസില് സിപിഎംന്റെ ഒപ്പം ചേര്ന്ന് സരിത നായര് നല്കിയ പരാതികളെല്ലാം അന്വേഷണ ഏജന്സികള് തള്ളുന്നതിന്റെ വിവരങ്ങളാണ് പുറത്തു വരുന്നത്. രാഷ്ട്രീയ വിജയത്തിനായി സിപിഎം നടത്തിയ പോരാട്ടത്തില് സര്ക്കാര് ഖജനാവിന് കോടികളുടെ നഷ്ടമാണുണ്ടാക്കിയത്. സിബി ഐ ഉള്പ്പടെയുള്ള നിരവധി ഏജന്സികള് അന്വേഷിച്ചിട്ടും സരിതയുടെ ആരോപണങ്ങളില് ഒന്നു പോലും തെൡയിക്കാന് കഴിഞ്ഞിട്ടില്ല.
കേരള രാഷ്ട്രീയത്തില് പിടിമുറുക്കാനിറങ്ങിയിരിക്കുന്ന ശശിതരൂരിന് കെ.സി ഒരു ഭീഷണിയായി മാറുന്നുവെന്ന വിവരങ്ങളാണ് കഴിഞ്ഞ നാളുകളില് പുറത്തു വന്നു കൊണ്ടിരുന്നത്. ശശി തരൂര് കേരളത്തില് യുഡിഎഫിന്റൈ മുഖ്യമന്ത്രി സ്ഥാനാര്ത്ഥിയായി രംഗത്ത് വരണമെന്നുള്ള ആഗ്രഹത്തോടെയാണ് മലബാര് പര്യടനവും മതനേതാക്കളുമായുള്ള കൂടി കാഴ്ചകളും നടത്തിയത്. അപ്പോഴും മനസില് കെ.സി.വേണുഗോപാലിനെതിരെയുള്ള പീഡന കേസ് തരൂരിന് അല്പം ആശ്വാസം നല്കിയിരുന്നത.
സോളാര് പീഡന കേസില് കോണ്ഗ്രസ് നേതാവ് കെസി വേണുഗോപാലിനും സിബിഐയുടെ ക്ലീന് ചിറ്റ്. വേണുഗോപാലിനെതിരായ പരാതിക്കാരിയുടെ ആരോപണങ്ങള് വ്യാജമാണെന്ന് സിബിഐ കണ്ടെത്തല്. ഇത് സംബന്ധിച്ച് തിരുവനന്തപുരം സിജെഎം കോടതിയില് റിപ്പോര്ട്ട് നല്കി. വന്വിവാദമായ സോളാര് പീഡന കേസില് സിബിഐ ക്ലീന് ചിറ്റ് നല്കുന്ന നാലാമത്തെ നേതാവ് കൂടിയാണ് കെസി വേണുഗോപാല്.
നേരത്തെ കെസി വേണുഗോപാല് കേന്ദ്രമന്ത്രിയായിരിക്കെ പീഡിപ്പിച്ചുവെന്നായിരുന്നു പരാതിക്കാരിയുടെ ആക്ഷേപം. അന്ന് സംസ്ഥാന മന്ത്രിയായിരുന്ന എപി അനില്കുമാറിന്റെ തിരുവനന്തപുരത്തെ ഔദ്യോഗിക വസതിയില് വെച്ച് വേണുഗോപാല് പീഡിപ്പിച്ചെന്നായിരുന്നു പരാതിക്കാരിയുടെ ആരോപണം.
പീഡന സമയത്ത് ധരിച്ചതായി പറയുന്ന രണ്ട് സാരികളും പരാതിക്കാരി ഹാജരാക്കിയിരുന്നു. എന്നാല് ശാസ്ത്രീയ പരിശോധന കൂടി നടത്തിയാണ് പരാതി സിബിഐ തള്ളുന്നത്. വേണുഗോപാല് പീഡിപ്പിക്കുന്നത് ഒരു സാക്ഷി ചിത്രീകരിച്ചുവെന്നും ആരോപണം ഉയര്ന്നിരുന്നു. ഇതും വ്യാജമാണെന്ന് അന്വേഷണ റിപ്പോര്ട്ടില് പറയുന്നു.
നേരത്തെ സോളാര് പീഡന കേസില് മുന് മന്ത്രി എപി അനില്കുമാറിന് എതിരായ ആരോപണം കെട്ടിച്ചമച്ചതാണെന്ന് സിബിഐ വ്യക്തമാക്കിയിരുന്നു. 2012ല് കൊച്ചിയില് വച്ച് പീഡിപ്പിച്ചു എന്ന ആരോപണം വ്യാജമാണെന്നും സോളാര് പദ്ധതിക്ക് വേണ്ടി പ്രൈവറ്റ് സെക്രട്ടറി നസറുള്ള വഴി ഏഴ് ലക്ഷം കൈക്കൂലി വാങ്ങിയിയെന്നതിന് തെളിവില്ലെന്നും കാട്ടി തിരുവനന്തപുരം സിജെഎം കോടതിയില് റിപ്പോര്ട്ട് നല്കിയിരുന്നു.
2012 കൊച്ചിയിലെ ട്രാവല് മാര്ട്ട് നടക്കുമ്പോള് പരാതിക്കാരി പറഞ്ഞ പഞ്ചനക്ഷത്ര ഹോട്ടലില് അനില്കുമാര് താമസിച്ചിട്ടില്ലെന്നാണ് പറയുന്നത്. എന്നാല് അന്ന് മന്ത്രിയായിരുന്ന അനില് കുമാര് ഗസ്റ്റ് ഹൗസില് തങ്ങിയതിനും തെളിവുണ്ട്. ഡെല്ഹിയിലെ കേരള ഹൗസില് വച്ച് കൈക്കൂലി വാങ്ങിയെന്ന് പറയുന്ന ദിവസം പ്രൈവറ്റ് സെക്രട്ടറി അവിടെ താമസിച്ചതിനും പണം കൈപ്പറ്റിയതിനും തെളിവില്ല.
ഇതിന് മുന്പ് ഹൈബി ഈഡന്, അടൂര് പ്രകാശ് എന്നിവര്ക്കും സിബി ഐ ക്ലീന്ചിറ്റ് നല്കിയിരുന്നു.ഉമ്മന് ചാണ്ടി, അബ്ദുള്ളക്കുട്ടി എന്നിവര്ക്കെതിരെയും സരിത നല്കിയ പീഡന പരാതികള് തള്ളിയിരുന്നു. കേരള രാഷ്ട്രീയത്തില് പത്ത് വര്ഷത്തോളെം കോളിളക്കമുണ്ടാക്കിയ സോളാര് കേസ് ഒന്നുമല്ലാതെ കളമൊഴിയുമ്പോള് സിപിഎം അണികളോട് എന്ത് മറുപടി പറയുമെന്നതില് വ്യക്തതയില്ല. സിപിഎം തയ്യാറാക്കിയ തിരക്കഥയ്ക്കനുസരിച്ച് സരിത പ്രവര്ത്തിക്കുകയായിരുന്നു.
എല്ലാവരും കൈയ്യൊഴിഞ്ഞ സരിത ഇപ്പോള് രോഗശയ്യയിലാണ്. സഹചാരി ശീതള പാനിയത്തില് സ്ലോ പോയിസണ് നല്കിയെന്ന പുതിയ പരാതിയും സരിത നല്കിയിരിക്കുകയണ്. അതിന്റൈ അന്വേഷണം നടന്നു കൊണ്ടിരിക്കുകയാണ്.
https://www.facebook.com/Malayalivartha
