യുഎഇയിൽ അതിശക്തമായ മഴ തുടരുന്നു. മാത്രമല്ല കനത്ത മഴ പെയ്യുന്ന സാഹചര്യം കണക്കിലെടുത്ത് പ്രധാന ടൂറിസ്റ്റ് കേന്ദ്രമായ ജബൽ ജെയ്സിലേക്കുള്ള റോഡ് അടച്ചതായി റാസൽഖൈമ പോലീസ് വ്യക്തമാക്കി. അസ്ഥിരമായ കാലാവസ്ഥ കണക്കിലെടുത്താണ് നടപടി.

അതേസമയം കനത്ത മഴയെ തുടർന്ന് താഴ്‌വരയിൽ വെള്ളം കയറിയതായി റാസൽഖൈമ പോലീസ് അറിയിച്ചു. മഴയെ തുടർന്ന് വാഹനമോടിക്കുമ്പോൾ ഡ്രൈവർമാർ അതീവ ജാഗ്രത പാലിക്കണമെന്നും നിർദ്ദേശമുണ്ട്. കൂടാതെ കൃത്യമായ അകലം പാലിച്ചു വേണം വാഹനമോടിക്കേണ്ടതെന്നും പറയുന്നു.

കൂടാതെ ഡ്രൈവർമാർ വാഹനമോടിക്കുമ്പോൾ ഇൻഫർമേഷൻ ബോർഡുകളിൽ പ്രദർശിപ്പിച്ചിരിക്കുന്ന വേഗപരിധി പാലിക്കണമെന്നും പോലീസ് മുന്നറിയിപ്പ് നൽകി. അതുപോലെ യുഎഇയിൽ വിവിധ ഭാഗങ്ങളിൽ മഴ തുടരുമെന്ന് കാലാവസ്ഥാ നിരീക്ഷകർ പ്രവചിച്ചു. നിലവിൽ ഇവിടെ മഴ ശക്തമാകുന്ന പശ്ചാത്തലത്തിൽ അധികൃതർ ജനങ്ങൾക്ക് സുരക്ഷാ മുന്നറിയിപ്പ് നൽകിയിട്ടുണ്ട്. രാജ്യത്തിന്റെ കിഴക്ക് ഭാഗങ്ങളിലും വടക്കൻ മേഖലകളിലും മഴയ്ക്ക് സാധ്യതയുണ്ടെന്നാണ് കാലാവസ്ഥാ വിദഗ്ധർ വ്യക്തമായിട്ടുണ്ട്.