സോളാര് പീഡന കേസില് ഉമ്മന് ചാണ്ടിക്കും എ.പി. അബ്ദുല്ലക്കുട്ടിക്കും സിബിഐയുടെ ക്ലീന് ചിറ്റ്
സോളാര് പീഡന കേസില് മുന് മുഖ്യമന്ത്രി ഉമ്മന് ചാണ്ടിക്കും മുന് എംഎല്എ എ.പി. അബ്ദുല്ലക്കുട്ടിക്കും എതിരെ എടുത്ത പീഡനക്കേസില് തെളിവില്ലെന്ന് ചൂണ്ടിക്കാട്ടി സി ബി ഐ റഫര് റിപ്പോര്ട്ട് കോടതിയില് സമര്പ്പിച്ചു. തിരുവനന്തപുരം ചീഫ് ജുഡീഷ്യല് മജിസ്ട്രേട്ട് കോടതിയിലാണ് സി.ബി.ഐ അന്തിമ റിപ്പോര്ട്ട് സമര്പ്പിച്ചത്. അതേ സമയം പരാതിക്കാരിക്ക് കോടതി നോട്ടീസയച്ച് അവരുടെ ഭാഗം കൂടി കേട്ട ശേഷമേ കോടതി റഫര് റിപ്പോര്ട്ട് സ്വീകരിക്കുകയോ തുടരന്വേഷണത്തിന് ഉത്തരവിടുകയോ ചെയ്യുകയുള്ളു. പ്രതികള്ക്ക് റിപ്പോര്ട്ടില് സി.ബി.ഐയുടെ ക്ലീന് ചീറ്റ് നല്കിയാണ് റിപ്പോര്ട്ട് അവസാനിപ്പിച്ചിരിക്കുന്നത്. ഇതോടെ സംസ്ഥാന സര്ക്കാര് കൈമാറിയ എല്ലാ കേസിലെയും പ്രതികളെ സി.ബി.ഐ കുറ്റമുക്തരാക്കിയുള്ള റിപ്പോര്ട്ട് ആണ് സമര്പ്പിച്ചിരിക്കുന്നത്
.
ഉമ്മന് ചാണ്ടി ക്ലിഫ് ഹൗസില് വെച്ച് പരാതിക്കാരിയെ പീഡിപ്പിച്ചെന്നായിരുന്നു ആരോപണം. എന്നാല് ഇത് വസ്തുതകളില്ലാത്ത ആരോപണമാണെന്ന് സി.ബി.ഐ കണ്ടെത്തിയത്. പരാതിക്കാരി പറയുന്ന ദിവസം ഉമ്മന്ചാണ്ടി ക്ലിഫ് ഹൗസിലുണ്ടായിരുന്നില്ലെന്ന് സി.ബി.ഐ റിപ്പോര്ട്ടില് പറയുന്നു. തിരുവനന്തപുരം മാസ്കറ്റ് ഹോട്ടലില് വെച്ച് അബ്ദുല്ലക്കുട്ടി പീഡിപ്പിച്ചെന്നായിരുന്നു മറ്റൊരു ആരോപണം. സോളാര് പീഡനത്തില് ആദ്യം രജിസ്റ്റര് ചെയ്ത കേസാണിത്. എന്നാല്, ഈ ആരോപണത്തിലും തെളിവില്ലെന്ന് സി.ബി.ഐ കോടതിയെ അറിയിച്ചു.
കേസില് നേരത്തെ ഹൈബി ഈഡന്, അടൂര് പ്രകാശ്, എ.പി. അനില്കുമാര്, കെ.സി. വേണുഗോപാല് എന്നിവര്ക്ക് സി.ബി.ഐ ക്ലീന് ചിറ്റ് നല്കിയിരുന്നു.
"
https://www.facebook.com/Malayalivartha
