സര്ക്കാര് ഉദ്യോഗസ്ഥരുടെ ഔദ്യോഗിക തീരുമാനങ്ങളില് അഴിമതി ആരോപിക്കപ്പെടുമ്പോഴേ അന്വേഷണത്തിന് മുന്കൂര് അനുമതി ആവശ്യമുള്ളുവെന്ന് ഹൈക്കോടതി
സര്ക്കാര് ഉദ്യോഗസ്ഥരുടെ ഔദ്യോഗിക തീരുമാനങ്ങളില് അഴിമതി ആരോപിക്കപ്പെടുമ്പോഴേ അന്വേഷണത്തിന് മുന്കൂര് അനുമതി ആവശ്യമുള്ളുവെന്ന് ഹൈക്കോടതി.
കൈക്കൂലി ആരോപണം ഔദ്യോഗിക കൃത്യനിര്വഹണത്തിന്റെ പരിധിയില് വരില്ലെന്നും അതിനാല് മുന്കൂര് അനുമതിയില്ലാതെ അന്വേഷിക്കാമെന്നും ഹൈക്കോടതി .
കൈക്കൂലി വാങ്ങിയെന്ന ആരോപണത്തെ തുടര്ന്ന് തനിക്കെതിരെ വിജിലന്സ് രജിസ്റ്റര് ചെയ്ത കേസ് റദ്ദാക്കണമെന്ന് ആവശ്യപ്പെട്ട് എസ്ഐ നല്കിയ ഹര്ജി തള്ളിക്കൊണ്ടാണ് ഹൈക്കോടതിയുടെ നിരീക്ഷണം. അഴിമതി നിരോധന നിയമത്തിന്റെ 17എ വകുപ്പു പ്രകാരം കൈക്കൂലി ആരോപണം അന്വേഷിക്കുന്നതിനു മുന്കൂര് അനുമതി ആവശ്യമില്ലെന്ന് ജസ്റ്റിസ് കെ ബാബു വിധിയില് വ്യക്തമാക്കി.
ഗാര്ഹിക പീഡന പരാതിയുമായി ബന്ധപ്പെട്ട് പ്രതിയുടെ ബന്ധുക്കളില്നിന്ന് കൈക്കൂലി വാങ്ങിയെന്ന പേരില് അഴിമതി നിരോധന നിയമപ്രകാരമെടുത്ത കേസ് റദ്ദാക്കണമെന്ന ആവശ്യവുമായി കടുത്തുരുത്തി മുന് എസ്.ഐ ടിഎ അബ്ദുല് സത്താറാണ് കോടതിയെ സമീപിച്ചത്. പാലക്കാട് സ്വദേശിയായ പ്രവാസിക്കെതിരെ കുറുപ്പന്തറ സ്വദേശിനിയായ ഭാര്യ നല്കിയ പരാതിയിലാണ് കടുത്തുരുത്തി പൊലീസ് കേസെടുത്തത്.
" f
https://www.facebook.com/Malayalivartha
