കെ.ആർ. നാരായണൻ ഇൻസ്റ്റിറ്റ്യൂട്ട് ഓഫ് വിഷ്വൽ സയൻസ് ആൻഡ് ആർട്‌സിൽ നടക്കുന്ന വിദ്യാർത്ഥി സമരവുമായി ബന്ധപ്പെട്ട് മുൻ ചീഫ് സെക്രട്ടറി കെ. ജയകുമാറിന്റെ നേതൃത്വത്തിലുള്ള അന്വേഷണ കമ്മിഷൻ 2023 ജനുവരി മൂന്നിന് തെളിവെടുപ്പ് നടത്തുന്നു.

കോട്ടയം കളക്‌ട്രേറ്റിലെ വീഡിയോ കോൺഫറൻസ് ഹാളിൽ രാവിലെ 11.00 മണിമുതൽ ഇൻസ്റ്റിറ്റ്യൂട്ടിലെ വിദ്യാർഥികൾ, അധ്യാപകർ, അനധ്യാപക ജീവനക്കാർ എന്നിവർക്ക് അന്വേഷണ കമ്മിഷനു മുമ്പാകെ മൊഴി നൽകാം.

വിദ്യാർഥികൾ, അധ്യാപകർ, അനധ്യാപക ജീവനക്കാർ എന്നിവർക്കു യഥാക്രമം 11 എ.എം-1 പി.എം, 2 പി.എം.-3.30 പി.എം, 3.30 പി.എം. -5 പി.എം. എന്ന സമയക്രമത്തിൽ കമ്മിഷൻ മുമ്പാകെ ഹാജരായി വിവരം ബോധിപ്പിക്കാവുന്നതും എഴുതി തയാറാക്കിയ പത്രിക സമർപ്പിക്കാവുന്നതുമാണെന്ന് കമ്മിഷൻ അറിയിച്ചു.