പുത്തൻ പ്രതീക്ഷകളോടെ പുതുവത്സരത്തെ വരവേൽക്കാൻ കാത്തിരിക്കുകയാണ് മലയാളികളായ നാമെല്ലാവരും. പരസ്പരം ആശംസകൾ പറഞ്ഞും പുതിയ പ്രതിജ്ഞകൾ സ്വീകരിച്ചും എല്ലാം 2023നെ വരവേൽക്കാൻ ആവേശത്തോടെ ലോകം മുഴുവൻ കാത്തിരിക്കുകയാണ്. ഇപ്പോൾ ഇതാ ഈ ഒരു അവസരത്തിൽ കേരള ഗവർണർ മലയാളികൾക്ക് പുതുവത്സര ആശംസകൾ നേർന്നിരിക്കുകയാണ്. അദ്ദേഹത്തിന്റെ വാക്കുകൾ ഇങ്ങനെ ; 

ലോകമെമ്പാടുമുള്ള കേരളീയര്‍ക്ക് സന്തോഷകരവും ഐശ്വര്യപൂര്‍ണവുമായ പുതുവര്‍ഷം ആശംസിക്കുന്നു.കേരളത്തിന്റെ വികസനത്തിനായി ആശയങ്ങളിലും പ്രവര്‍ത്തനത്തിലുമുള്ള നമ്മുടെ ഒത്തൊരുമയെ ദൃഢപ്പെടുത്തി സംസ്ഥാനത്തെ എല്ലാവര്‍‍ക്കും സമൃദ്ധിയും നീതിയും ക്ഷേമവും ഉറപ്പാക്കാന്‍ സാധിക്കുന്ന വര്‍ഷമാവട്ടെ 2023 എന്ന് ഞാന്‍ ആശംസിക്കുന്നു”- ട്വിറ്ററിലൂടെയാണ് ആയിരുന്നു അദ്ദേഹം ആശംസ അറിയിച്ചത്. നേരത്തെ അദ്ദേഹം ലോകമെമ്പാടുമുള്ള കേരളീയര്‍ക്ക് ക്രിസ്മസ് ആശംസകള്‍ നേര്‍ന്നിരുന്നു. അദ്ദേഹത്തിന്റെ ആശംസ ഇങ്ങനെയായിരുന്നു .

ദൈവത്തിന്റെ മഹത്വമോതിയും ഭൂമിയില്‍ സമാധാനത്തിന്റെ ശ്രേഷ്ഠസന്ദേശം പകര്‍ന്നും സ്നേഹം, അനുകമ്പ , ക്ഷമ തുടങ്ങിയ മൂല്യങ്ങളിലുള്ള നമ്മുടെ വിശ്വാസത്തെ ദൃഢപ്പെടുത്തുന്ന ആഘോഷമാണ് ക്രിസ്മസ് .സഹാനുഭൂതിയും ദാനശീലവും നമ്മുടെ ക്രിസ്മസ് ആഘോഷത്തിന് തിളക്കമേകട്ടെയെന്നും അതിലൂടെ സാമൂഹിക ഒരുമ ശക്തിപ്പെടട്ടെ എന്നും ആശംസിക്കുന്നു. എന്നാണ് ഗവര്‍ണർ ആശംസയില്‍ പറഞ്ഞിരുന്നത്.ഇപ്പോൾ പുതുവത്സര ആശംസ കൂടെ നേർന്നിരിക്കുകയാണ് .