മദ്യം വാങ്ങാനായി പണം നല്കാത്തതിന് പട്ടാപ്പകല് നടുറോഡില് മധ്യവയസ്കനെ കുത്തി പരിക്കേല്പ്പിച്ച പ്രതി അറസ്റ്റില്.....
മദ്യം വാങ്ങാനായി പണം നല്കാത്തതിന് പട്ടാപ്പകല് നടുറോഡില് മധ്യവയസ്കനെ കുത്തി പരിക്കേല്പ്പിച്ച പ്രതി അറസ്റ്റില്. കടയ്ക്കാവൂര് സ്വദേശി സുനില് കുമാറിനാണ് കുത്തേറ്റത്.
കടയ്ക്കാവൂര് പഴഞ്ചിറ കാട്ടുവിള വീട്ടില് കുമാര് എന്ന് വിളിക്കുന്ന ചപ്ര കുമാറിനെയാണ് പൊലീസ് അറസ്റ്റ് ചെയ്തത്. മദ്യപിക്കാനായി പണം നല്കാത്തതിനുള്ള വിരോധത്തിലാണ് ഇയാള് ഇടിക്കട്ട കൊണ്ട് ഇടിക്കുകയും കത്തികൊണ്ട് കുത്തി പരിക്കേല്പ്പിക്കുകയും ചെയ്യുകയായിരുന്നു. സാരമായി പരുക്കേറ്റ സുനില് കുമാറിനെ നാട്ടുകാര് ചിറയിന്കീഴ് താലൂക്ക് ആശുപത്രിയില് പ്രവേശിപ്പിച്ചു.
ആക്രമണത്തിന് ശേഷം പ്രതിയായ ചപ്ര കുമാര് ആയുധം കാട്ടി നാട്ടുകാരെ ഭീഷണിപ്പെടുത്തി വാഹനത്തില് രക്ഷപ്പെടാനായി ശ്രമിക്കുന്നതിനിടെയാണ് പൊലീസ് സംഘം പ്രതിയെ പിടികൂടിയത്. കടയ്ക്കാവൂര് ചിറയിന്കീഴ് തുടങ്ങിയ സ്റ്റേഷനുകളില് പ്രതിക്കെതിരെ നിരവധി ക്രിമിനല് കേസുകള് നിലവിലുണ്ട്. കോടതിയില് ഹാജരാക്കിയ പ്രതിയെ റിമാന്റിലാക്കി.
"
https://www.facebook.com/Malayalivartha
