സംഘർഷത്തെ തുടർന്ന് കസ്റ്റഡിയിലെടുത്തു; പൊലീസ് സ്റ്റേഷനില് യുവാക്കളുടെ അക്രമം; എസ്ഐയെ മര്ദിച്ചു, ജനല് തകര്ത്തു
18 JANUARY 2023 12:54 PM IST
മലയാളി വാര്ത്ത
തൃശൂര് കൊടുങ്ങലൂരിൽ പൊലീസ് സ്റ്റേഷനില് യുവാക്കളുടെ അക്രമം. സംഘർഷത്തെ തുടർന്ന് പൊലീസ് കസ്റ്റഡിയിലെടുത്ത യുവാക്കള് എസ്ഐയെ ആക്രമിക്കുകയും, പൊലീസ് സ്റ്റേഷന്റെ ജനല് ചില്ല് തകര്ക്കുകയും ചെയ്തു.
സംഭവത്തിൽ എടവിലങ്ങ് പൊടിയന് ബസാര് സ്വദേശികളായ കുന്നത്ത് രഞ്ജിത്ത് (37), വാലത്ത് വികാസ് (35) എന്നിവരാണ് പൊലീസ് സ്റ്റേഷനില് അക്രമം നടത്തിയത്. ഇന്നലെ ബാറില് സംഘര്ഷമുണ്ടാക്കിയതിനെ തുടര്ന്നാണ് ഇവരെ കസ്റ്റഡിയിലെടുത്തത്.
അതേസമയം സംഭവത്തിനു പിന്നാലെ സ്റ്റേഷനില് അക്രമം നടത്തിയ യുവാക്കള്ക്കെതിരെ പൊലീസ് കൂടുതല് വകുപ്പുകള് ചുമത്തി കേസെടുത്തു. അക്രമത്തില് കൈയ്ക്ക് പരിക്കേറ്റ എസ് ഐ അജിത്ത് ചികിത്സയിലാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
