പൊലിഞ്ഞത് അഞ്ചു ജീവന്.... ദേശീയ പാതയില് അമ്പലപ്പുഴ കാക്കാഴം മേല്പാലത്തില് കാറും ലോറിയും കൂട്ടിയിടിച്ച് അഞ്ച് മരണം.... പുലര്ച്ചെയോടെയായിരുന്നു അപകടമുണ്ടായത്, കാറിന്റെ മുന്ഭാഗം പൂര്ണമായും തകര്ന്ന നിലയില്
23 JANUARY 2023 07:12 AM IST
മലയാളി വാര്ത്ത
പൊലിഞ്ഞത് അഞ്ചു ജീവന്... ദേശീയ പാതയില് അമ്പലപ്പുഴ കാക്കാഴം മേല്പാലത്തില് കാറും ലോറിയും കൂട്ടിയിടിച്ച് അഞ്ച് മരണം. കാറില് സഞ്ചരിച്ചിരുന്ന തിരുവനന്തപുരം പെരുങ്കടവിള ആലത്തൂര് സ്വദേശികളായ പ്രസാദ് (24) ഷിജു ദാസ് (24) ,സച്ചിന്, സുമോദ്, കൊല്ലം മണ്ട്രോതുരുത്ത് തേവലക്കര സ്വദേശി അമല് (26) എന്നിവരാണ് മരിച്ചത്.
ഇവര് ഐഎസ്ആര്ഒ ക്യാന്റീനിലെ ജീവനക്കാരാണ്. നാലുപേര് സംഭവ സ്ഥലത്തും ഒരാള് ആശുപത്രിയില് വച്ചുമാണ് മരിച്ചത്. കാര് അമിത വേഗതയിലായിരുന്നുവെന്ന് പൊലീസ് .
പുലര്ച്ചെ ഒന്നരയോടെ ആണ് അപകടം നടന്നത്. അതേസമയം ലോറിയില് ഉണ്ടായിരുന്നവര്ക്ക് പരിക്കുകളൊന്നുമില്ല.അപകടത്തില് കാറിന്റെ മുന്ഭാഗം പൂര്ണമായും തകര്ന്നു. ലോറി ഡ്രൈവറേയും സഹായിയേയും പൊലീസ് കസ്റ്റഡിയില് എടുത്തിട്ടുണ്ട്. മൃതദേഹങ്ങള് ആലപ്പുഴ വണ്ടാനം മെഡിക്കല് കോളജ് ആശുപത്രിയില്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
