കൊച്ചിയില് നോറോ വൈറസ് ബാധ; 19 വിദ്യാര്ത്ഥികള്ക്കും അവരുടെ മാതാപിതാക്കള്ക്കും രോഗം; കുട്ടികള്ക്ക് ഓണ്ലൈന് ക്ലാസ് ഏര്പ്പെടുത്തി
കൊച്ചിയിൽ നോറോ വൈറസ് ബാധ സ്ഥിരീകരിച്ചു. കൊച്ചിയിലെ കാക്കനാട്ടെ സ്കൂള് വിദ്യാര്ത്ഥികള്ക്കാണ് വൈറസ് ബാധ സ്ഥിരീകരിച്ചതായി റിപ്പോര്ട്ടുകൾ വന്നത്. നിലവിൽ ഒന്നാം ക്ലാസിലെ 19 വിദ്യാര്ത്ഥികള്ക്കും അവരുടെ മാതാപിതാക്കള്ക്കുമാണ് രോഗബാധയുണ്ടായിട്ടുള്ളത്.
സംഭവത്തെ തുടർന്ന് കുട്ടികളുടെ സാമ്പിള് വിശദപരിശോധനയ്ക്ക് അയച്ചു. നിലവിൽ സ്കൂളിലെ പ്രൈമറി വിഭാഗം മൂന്നു ദിവസത്തേക്ക് അടച്ചു. തുടർന്ന് സ്കൂളിലെ ഒന്നാം ക്ലാസ് മുതല് അഞ്ചാം ക്ലാസ് വരെയുള്ള കുട്ടികള്ക്ക് ഓണ്ലൈന് ക്ലാസ് ഏര്പ്പെടുത്തിയിരിക്കുകയാണ്. പ്രതിരോധ നടപടികള് ആരംഭിച്ചതായി ആരോഗ്യ വകുപ്പ് അറിയിച്ചു.
അതേസമയം കടുത്ത ഛര്ദി, വയറിളക്കം തുടങ്ങിയവയാണ് രോഗലക്ഷണങ്ങള്. ഇതേസമയം തന്നെ ചെറിയ കുട്ടികള്, പ്രായമായവര്, മറ്റ് അനുബന്ധ രോഗങ്ങളുള്ളവര് എന്നിവരെ നോരോ വൈറസ് ബാധിച്ചാല് ഗുരുതരമാകാന് സാധ്യതയുണ്ട്. നോരോ വൈറസ് മലിനജലത്തിലൂടെയും, ഭക്ഷണത്തിലൂടെയും രോഗബാധിതരുമായുള്ള സമ്പര്ക്കത്തിലൂടെയും പടരാം.
https://www.facebook.com/Malayalivartha
