ഇന്ന് ഗവര്‍ണറുടെ നയപ്രഖ്യാപന പ്രസംഗം ഉണ്ടായിരുന്നു. അതിൽ ഏറ്റവും ശ്രദ്ധേയമായ ഒരു കാര്യം സിൽവര്‍ലൈനിനെ കുറിച്ച് പറഞ്ഞ കാര്യമാണ്. സിൽവര്‍ലൈൻ സംസ്ഥാന സര്‍ക്കാരിന്‍റെ സ്വപ്ന പദ്ധതി തന്നെയെന്ന് ഗവര്‍ണർ നയപ്രഖ്യാപന പ്രസംഗത്തിൽ തറപ്പിച്ച് വ്യക്തമാക്കിയിരിക്കുകയാണ്. ആ പദ്ധതിയുടെ പ്രവര്‍ത്തനം നിലച്ചു.

എന്ന് വച്ചാൽ ആ പദ്ധതി ഉപേക്ഷിച്ചതല്ലെന്ന് എന്ന കാര്യം വ്യക്തമാണെന്ന സൂചന കിട്ടിയിരിക്കുകയാണ് നയപ്രഖ്യാപന പ്രസംഗത്തിലൂടെ .നയപ്രഖ്യാപനത്തിലെ സിൽവര്‍ലൈൻ പരാമര്‍ശങ്ങൾ ഇങ്ങനെയായിരുന്നു. പരിസ്ഥിതിക്ക് ഇണങ്ങുന്ന അതിവേഗപാത വികസന സ്വപ്നമാണ്. അതിനായി കേന്ദ്രത്തിന്‍റെ അനുമതി കാത്തിരിക്കുകയാണെന്ന് ഗവര്‍ണര്‍ വ്യക്തമാക്കി. ഈ കാര്യമാണ് അദ്ദേഹം സിൽവർ ലൈനിനെ കുറിച്ച് പറഞ്ഞിരിക്കുന്നത്. എന്തായാലും ഇത് നിർണായകമായ കാര്യം തന്നെയാണ്.

അതേസമയം അദ്ദേഹത്തിന്റെ നയപ്രഖ്യാപന പ്രസംഗത്തിൽ പറഞ്ഞിരിക്കുന്ന മറ്റു ചില നിർണായകമായ കാര്യങ്ങൾ ഇങ്ങനെയാണ്. വികസന പ്രവർത്തനങ്ങളിൽ മികച്ച ജനപങ്കാളിത്തമാണുള്ളത്. സാമ്പത്തികമേഖലയിൽ സംസ്ഥാനം കൈവരിച്ച നേട്ടം പ്രശംസനീയമെന്നും ഗവർണർ പറഞ്ഞു. ഡിജിറ്റൽ കേരളമാണ് രൂപപ്പെടുന്നത്. സുസ്ഥിര വികസനത്തിൽ കേരളം മുന്നിലാണെന്നും അദ്ദേഹം പറഞ്ഞു.

സാമൂഹിക ശാക്തീകരണത്തില്‍ സംസ്ഥാനം മാതൃകയാണ്. അതിദാരിദ്രം ഒഴിവാക്കാന്‍ സംസ്ഥാനം ശ്രദ്ധേയ പരിശ്രമം നടത്തുകയാണ്. സര്‍ക്കാര്‍ ലക്ഷ്യമിടുന്നത് അടിസ്ഥാന വിഭാഗങ്ങളുടെ ക്ഷേമത്തില്‍ ഊന്നിയ വികസനത്തിനാണ്. തൊഴില്‍ ഉറപ്പാക്കുന്നതില്‍ രാജ്യത്ത് കേരളം മൂന്നാം സ്ഥാനത്താണ് .വേര്‍തിരിവില്ലാത്ത സംസ്ഥാനമായി കേരളത്തിന് നിലനില്‍ക്കാന്‍ കഴിയുന്നുണ്ട്. നാനാത്വം അംഗീകരിച്ച് തന്നെയാണ് സംസ്ഥാനം മുന്നോട്ട് പോകുന്നത് .