മേലാല് ആവര്ത്തിക്കരുത്... വിമാനത്തിനുള്ളില് യാത്രക്കാരന്റെ മോശം പെരുമാറ്റത്തില് ജീവനക്കാര് തന്നെ നടപടിയെടുത്തു; ജീവനക്കാരിയോട് അപമര്യാദയായി പെരുമാറിയതിന് നടപടിയെടുത്ത് എയര്ലൈന്സ് അധികൃതര്; വനിത ക്യാബിന് ക്രൂവിനോട് മോശം പെരുമാറ്റം നടത്തിയ യാത്രക്കാരെ ഇറക്കിവിട്ടു
ദിവസങ്ങള്ക്ക് മുമ്പ് വിമാനത്തിനകത്ത് വച്ച് സഹയാത്രികയുടെ ദേഹത്ത് മൂത്രമൊഴിച്ചെന്ന സംഭവം ഏറെ വിവാദമായിരുന്നു. കേസില് പ്രതിയായ ശങ്കര് മിശ്രയ്ക്കെതിരെ കേസെടുത്തിരുന്നു. ഇദ്ദേഹത്തിന് എയര് ഇന്ത്യ യാത്രാവിലക്കും ഏര്പ്പെടുത്തിയിരുന്നു.
അതിനിടെ വിമാനത്തില് വീണ്ടും യാത്രക്കാരുടെ പൊല്ലാപ്പ്. വിമാന ജീവനക്കാരിയോട് അപമര്യാദയായി പെരുമാറിയ യാത്രക്കാരെ വിമാനത്തില്നിന്ന് ഇറക്കിവിട്ടു. ഡല്ഹി ഹൈദരാബാദ് സ്പൈസ് ജെറ്റ് വിമാനത്തിലാണ് സംഭവം.
പ്രശ്നമുണ്ടാക്കിയ യാത്രക്കാരെ വിമാനത്താവളത്തിലെ സുരക്ഷാ ഉദ്യോഗസ്ഥരെ ഏല്പിക്കുകയായിരുന്നു. ഒരു യാത്രക്കാരന് വനിത ക്യാബിന് ക്രൂവിനോട് വാക്കുതര്ക്കത്തില് ഏര്പ്പെടുന്നതും, മറ്റൊരു യാത്രക്കാരന് പ്രശ്നത്തില് ഇടപെടാന് എത്തുന്നതുമായ വിഡിയോ സമൂഹ മാധ്യമങ്ങളില് വൈറലായിരുന്നു. ജീവനക്കാരിയുടെ ദേഹത്ത് യാത്രക്കാരന് സ്പര്ശിച്ചതായും മറ്റു ജീവനക്കാര് പരാതി നല്കി.
ഡല്ഹിയില് നിന്ന് വിമാനം പുറപ്പെടാനിരിക്കെയാണ് യാത്രക്കാരന് ജീവനക്കാരിയോട് അപമര്യാദയായി പെരുമാറിയതെന്നും അവരെ ശല്യപ്പെടുത്തുകയും ബുദ്ധിമുട്ടിക്കുകയും ചെയ്തതായും സ്പൈസ്ജെറ്റ് പുറത്തിറക്കിയ ഔദ്യോഗിക കുറിപ്പില് പറയുന്നു. സംഭവം ക്യാബിന് ക്രൂ സുരക്ഷാ ഉദ്യോഗസ്ഥരെ അറിയിച്ചു.
അപമര്യാദയായി പെരുമാറിയ യാത്രക്കാരനെയും അയാള്ക്കൊപ്പമുണ്ടായിരുന്ന വ്യക്തിയെയും വിമാനത്തില്നിന്ന് പുറത്താക്കിയെന്നും കുറിപ്പില് പറയുന്നു. യാത്രക്കാരന് പിന്നീട് ക്ഷമാപണം എഴുതി നല്കിയെങ്കിലും കൂടുതല് പ്രശ്നങ്ങള് ഒഴിവാക്കാന് അയാളെ യാത്ര ചെയ്യാന് അനുവദിച്ചില്ലെന്നാണ് വിവരം.
എയര് ഇന്ത്യ ന്യൂയോര്ക്ക്-ഡല്ഹി വിമാനത്തില് സ്ത്രീയുടെ ദേഹത്ത് സഹയാത്രക്കാരന് മൂത്രമൊഴിച്ചത് ഏറെ ഒച്ചപ്പാടുകള്ക്ക് ഇടയാക്കിയിരുന്നു. ഇതിന്റെ പേരില് ശങ്കര് മിശ്ര എന്നയാള് അറസ്റ്റിലാകുകയും ചെയ്തിരുന്നു. യാത്രക്കിടയില് ഇയാളില്നിന്നും അസ്വാഭാവിക പെരുമാറ്റം ഉണ്ടായെന്നും വിമാന ജീവനക്കാരോട് പറഞ്ഞെങ്കിലും പരിഹാരം ഉണ്ടായില്ലെന്നും മറ്റൊരു യാത്രക്കാരന് പറയുന്നു.
വിമാനത്തില് ലക്കുകെട്ട് സഹയാത്രികയായ വൃദ്ധയുടെ മേല് മൂത്രമൊഴിച്ച സംഭവത്തില് അവസാനം പ്രതി അറസ്റ്റിലായി. മുംബൈ സ്വദേശിയായ ശങ്കര് മിശ്രയെ (34) ബെംഗളൂരുവില് നിന്നാണ് ഡല്ഹി പോലീസ് അറസ്റ്റ് ചെയ്തത്. നവംബര് 26ന് ന്യൂയോര്ക്കില് നിന്ന് ഡല്ഹിയിലേക്കുള്ള എയര് ഇന്ത്യ വിമാനത്തില് സഹയാത്രികയുടെ ദേഹത്ത് ഇയാള് മൂത്രമൊഴിക്കുകയായിരുന്നു.
സംഭവത്തെ തുടര്ന്ന് അന്താരാഷ്ട്ര ധനകാര്യസേവന കമ്പനിയായ 'വെല്സ് ഫാര്ഗോ' ശങ്കര് മിശ്രയെ കമ്പനി ജോലിയില് നിന്ന് പിരിച്ചുവിട്ടിരുന്നു. കാലിഫോര്ണിയ ആസ്ഥാനമായി പ്രവര്ത്തിക്കുന്ന അമേരിക്കന് മള്ട്ടിനാഷണല് ഫിനാന്ഷ്യല് സര്വീസ് സ്ഥാപനമായ വെല്സ് ഫാര്ഗോയുടെ ഇന്ത്യന് ചാപ്റ്ററിന്റെ വൈസ് പ്രസിഡന്റായിരുന്നു ശങ്കര് മിശ്ര.
നവംബര് 26ലെ വിമാനത്തിലെ ബിസിനസ് ക്ലാസില് ശങ്കര് മിശ്രയുടെ തൊട്ടടുത്ത് ഇരുന്ന യു.എസ് ആസ്ഥാനമായി പ്രവര്ത്തിക്കുന്ന ഡോക്ടര് സുഗത ഭട്ടാചാരിയാണ് മാധ്യമങ്ങളോട് കാര്യങ്ങള് വെളിപ്പെടുത്തിയിരിക്കുന്നത്. ശങ്കര് മിശ്ര അമിതമായി മദ്യപിച്ചിരുന്നതായി അപ്പോള് തന്നെ ജീവനക്കാരെ അറിയിച്ചതായും ഡോക്ടര് പറയുന്നു.
അദ്ദേഹം എന്നോട് ഒരേ ചോദ്യം ഒന്നിലധികം തവണ ചോദിച്ചപ്പോള് എന്തോ പന്തികേട് തോന്നി. അയാള് മദ്യപിച്ചിരുന്നതായി ഞാന് മനസ്സിലാക്കി. ഞാന് അത് ജോലിക്കാരോട് പറഞ്ഞു. അവര് വെറുതെ പുഞ്ചിരിച്ചു എന്നും ഡോ. ഭട്ടാചാരി പറഞ്ഞു. താന് ഒരുപാട് ദിവസമായി ഉറങ്ങിയിട്ടെന്നും നല്ല ഉറക്കം കിട്ടാനാണ് അമിതമായി മദ്യപിച്ചതെന്നും ഇയാള് തന്നോട് പറഞ്ഞതായി ഡോക്ടര് വെളിപ്പെടുത്തുന്നു. അവസാനം സംഭവം വിവാദമായതോടെ ശങ്കര് മിശ്രയെ അറസ്റ്റ് ചെയ്തു.
"
https://www.facebook.com/Malayalivartha
