നിര്‍ത്തിയിട്ടിരുന്ന കാര്‍ താഴോട്ട് പതിച്ചത് 30 അടിയോളം മുകളില്‍ നിന്ന്..... ഇന്‍ഫോ പാര്‍ക്ക് വളപ്പിലേക്ക് 30 അടിയോളം മുകളില്‍ നിന്ന് കാര്‍ തെന്നി മറിഞ്ഞ് വീണു... യുവതിയും കുട്ടിയും രക്ഷപ്പെട്ടത് അത്ഭുതകരമായി
ഇന്നലെ വൈകുന്നേരം കാര്‍ണിവല്‍ ഇന്‍ഫോ പാര്‍ക്ക് വളപ്പിലാണ് അപകടം. നിമിഷങ്ങള്‍ക്ക് മുന്‍പ് അതുവഴി കുഞ്ഞിനെയും കൊണ്ട് നടന്നുപോയ ശുചീകരണവിഭാഗം ജീവനക്കാരിയുടെ തൊട്ടുപിന്നിലാണ് കാര്‍ വന്നുവീണത്.



കാറിലെ നാല് യാത്രക്കാരില്‍ ഒരാളൊഴികെ ബാക്കിയുളളവര്‍ കാര്യമായ പരിക്കേല്‍ക്കാതെ രക്ഷപ്പെടുകയും ചെയ്തു. മുകളില്‍ നിന്ന് കാര്‍ കുത്തനെ പറന്നുവന്ന് വീഴുന്ന ശബ്ദം കേട്ട് പേടിച്ചുപോയ യുവതി കുട്ടിയെയും കൊണ്ട് ഓടിരക്ഷപ്പെട്ടു.

കാറപകടത്തിന്റെയും യുവതിയും കൈക്കുഞ്ഞും രക്ഷപ്പെടുന്നതിന്റെയും സിസിടിവി ദൃശ്യങ്ങള്‍ ഭീതിപ്പെടുത്തുന്നതാണ്. 30 സെക്കന്‍ഡ് വ്യത്യാസത്തിലാണ് ഈ അമ്മയും കുഞ്ഞും അത്ഭുതകരമായി രക്ഷപ്പെട്ടത്. ഈ വളവില്‍ റോഡിനോട് ചേര്‍ന്നുളള താഴ്ഭാഗം കാര്‍ണിവല്‍ ഇന്‍ഫോ പാര്‍ക്ക് കെട്ടിടവളപ്പാണ്. ഇവിടെക്കാണ് കുത്തനെയുള്ള ഇറക്കത്തിലെ റോഡരികില്‍ നിര്‍ത്തിയിട്ടിരുന്ന കാര്‍ നിയന്ത്രണം വിട്ട് തലകീഴായി മറിഞ്ഞത്. സംരക്ഷണകമ്പികള്‍ തകര്‍ത്താണ് കാര്‍ താഴോട്ട് നിലംപതിച്ചത്. പരിക്കേറ്റവരെ ആശുപത്രിയിലേക്ക് മാറ്റി.