മന്ത്രവാദ പൂജ നടത്താനെന്ന പേരിൽ പ്രായപൂർത്തിയാകാത്ത പെൺകുട്ടിയെ പീഡിപ്പിക്കാൻ ശ്രമം. ഒരാൾ പൊലീസ് പിടിയിൽ. സംഭവത്തിൽ മൂവാറ്റുപുഴ സൗത്ത് മാറാടി പാറയിൽ അമീറിനെയാണ്​ (38) അറസ്റ്റ് ചെയ്തത്. ഇയാളെ പുത്തൻകുരിശ് പൊലീസ് ആണ് പ്രതിയെ അറസ്റ്റ് ചെയ്തത്.

അതേസമയം ദോഷം മാറ്റാനുള്ള പൂജക്കാണെന്നു പറഞ്ഞ് കുട്ടിയെ വിളിച്ചു വരുത്തി ലൈംഗികമായി ഉപദ്രവിക്കാൻ ശ്രമിച്ചതായാണ് പരാതി പറയുന്നത്. സംഭവത്തിൽ പെൺകുട്ടിയുടെ ബന്ധുക്കൾ നൽകിയ പരാതിയുടെ അടിസ്ഥാനത്തിലാണ് അറസ്റ്റ്.

മാത്രമല്ല ഒമ്പതാം ക്ലാസ് വിദ്യാഭ്യാസം മാത്രമുള്ള അമീറിന് രാത്രി തട്ടുകടയിൽ ഭക്ഷണം ഉണ്ടാക്കലായിരുന്നു ജോലി. ഇതിനു പിന്നാലെ സ്വന്തമായി തട്ടുകട നടത്തിയെങ്കിലും നഷ്ടമാണെന്ന് പറഞ്ഞ് നിർത്തുകയായിരുന്നു. ഇതിനുശേഷമാണ് ജോത്സ്യത്തിലേക്കും മന്ത്രവാദത്തിലേക്കും ചുവടുമാറ്റിയത്.

തുടർന്ന് ഇയാൾ നാലുവർഷമായി കടമറ്റം നമ്പ്യാരുപടിയിൽ ജ്യോതിഷകേന്ദ്രം നടത്തുകയായിരുന്നു. എന്നാൽ പൊലീസ് ഇടപെട്ട് ഒരു പ്രാവശ്യം ഇയാളുടെ കേന്ദ്രം അടപ്പിച്ചതായി പറയുന്നു. പിന്നാലെ നിരവധിപേരെ ഇയാൾ കബളിപ്പിച്ചതായാണ് ലഭിക്കുന്ന വിവരം. പ്രതിയെ കോടതിയിൽ ഹാജരാക്കി.