സംസ്ഥാനത്ത് മഴ കനക്കും. സംസ്ഥാനത്ത് ഇന്നും മഴയ്ക്ക് സാധ്യത. ഇതോടെ മഴ മുന്നറിയിപ്പിൽ മാറ്റം വരുത്തി കാലാവസ്ഥാ നിരീക്ഷണ കേന്ദ്രം. നിലവിൽ സംസ്ഥാനത്ത് മഴ ശക്തമാകുന്നുവെന്ന മുന്നറിയിപ്പിന് പിന്നാലെ രണ്ട് ജില്ലകൾക്കാണ് ജാഗ്രതാ നിർദേശം നൽകിയിരിക്കുന്നത്.

അതേസമയം തെക്കൻ കേരളത്തിലും, വടക്കൻ കേരളത്തിലെ മലയോര മേഖലകളിലും ശക്തമായ മഴ പെയ്യുമെന്നാണ് പ്രവചിച്ചിരിയ്ക്കുന്നത്. തുടർന്ന് തിരുവനന്തപുരം, എറണാകുളം ജില്ലകളിൽ യെല്ലോ അലർട്ടും പുറപ്പെടുവിച്ചിട്ടുണ്ട്. കൂടാതെ സംസ്ഥാനത്ത് ഉടനീളം ഒറ്റപ്പെട്ട മഴ ഉണ്ടായേക്കുമെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകുന്നു. എന്നാൽ ഏറെ നാളുകൾക്ക് ശേഷമാണ് സംസ്ഥാനത്ത് വീണ്ടും മഴയുടെ സാഹചര്യമുണ്ടാകുന്നത്.

മാത്രമല്ല മഡഗാസ്‌കറിന് സമീപമുണ്ടായ ചുഴലിക്കാറ്റാണ് കേരളത്തിൽ കാലാവസ്ഥാ വ്യതിചലിക്കാൻ കാരണമായതെന്ന് പറയുന്നു. കൂടാതെ തെക്കന്‍ കേരളത്തില്‍ രാവിലെ മുതല്‍ മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പ് പറഞ്ഞിരുന്നത്. മധ്യകേരളത്തിലും ഒറ്റപ്പെട്ട മഴ പെയ്യുമെന്ന് കാലാവസ്ഥ വകുപ്പ് അറിയിച്ചു. ഇതേതുടർന്ന് തിരുവനന്തപുരം, കൊല്ലം, തൃശൂര്‍, മലപ്പുറം എന്നീ ജില്ലകളില്‍ ഒറ്റപ്പെട്ടയിടങ്ങളില്‍ നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.