നിയമസഭയ്‌ക്ക്‌ ഉള്ളിലും മുഖ്യമന്ത്രിക്ക് രക്ഷയില്ല. കറുപ്പ് നിരോധിച്ച മുഖ്യമന്ത്രിക്ക് മുന്നിൽ കറുപ്പ് വസ്ത്രമണിഞ്ഞ് കോൺഗ്രസിന്റെ യുവ എംഎൽഎമാർ. അക്ഷരാർത്ഥത്തിൽ മുഖ്യമന്ത്രിക്ക് എതിരെയുള്ള നീക്കം തന്നെയാണ് അത് എന്ന് നമുക്ക് നിസംശയം പറയാം. മുഖ്യമന്ത്രിയുടെ പരിപാടികളിൽ കറുത്ത വസ്ത്രമണിഞ്ഞവരെ തടഞ്ഞിരുന്നു. കസ്റ്റഡിയിലെടുത്തിരുന്നു. ഇതിലൊക്കെയുള്ള കോൺഗ്രസ് പ്രതിഷേധം അവസാനിച്ചിട്ടില്ല. നിയമസഭയ്‌ക്ക്‌ ഉള്ളിലും കറുപ്പ് ധരിച്ച് എത്തിയിരിക്കുകയാണ്.

ഷാഫി പറമ്പിൽ അടക്കമുള്ള കോണ്ഗ്രസ് നേതാക്കൾ കറുപ്പണിഞ്ഞ് നിയമസഭയിൽ എത്തുകയായിരുന്നു.പ്ലക്കാർഡുകളും ബാനറുകളുമായിട്ടാണ് കോണ്ഗ്രസ് എംഎൽഎമാർ എത്തിയത് എന്നതും ഏറെ ശ്രദ്ധേയമായ കാര്യമാണ്. എന്തായാലും ഇനി നിയമസഭയ്‌ക്ക്‌ ഉള്ളിൽ കറുപ്പ് കാണുമ്പോൾ മുഖ്യമന്ത്രി എങ്ങനെ പ്രതികരിക്കും എന്നതും എല്ലാവരും ഉറ്റു നോക്കുന്ന കാര്യം തന്നെയാണ് .മുഖ്യമന്ത്രിക്കെതിരെയുള്ള പ്രതിഷേധം സൂചിപ്പിക്കാൻ തന്നെയാണ് കോൺഗ്രസ് നേതാക്കന്മാർ ഇത്തരത്തിൽ കറുപ്പ് അണിഞ്ഞ് എത്തിയത്.

എറണാകുളത്തു യൂത്ത് കോൺഗ്രസ് മാർച്ചിനെതിരായ പോലീസ് നടപടിയിൽ അടിയന്തിര പ്രമേയത്തിന് അനുമതി തേടി ഷാഫി പറമ്പിൽ ഇന്ന് നോട്ടീസ് നൽകിയിട്ടുണ്ട്. .കഴിഞ്ഞ ദിവസം മാധ്യമങ്ങൾക്ക് വിലക്കേർപ്പെടുത്തിയിരുന്നു മാത്രമല്ല സഭാ ടിവിയിലും പ്രതിഷേധം സംപ്രേക്ഷണം ചെയ്തിരുന്നില്ല. എന്തായാലും വിലക്ക് നിലനിൽക്കവേ തന്നെ ദൃശ്യങ്ങൾ പുറത്ത് വരുന്നുണ്ട്. പ്രതിപക്ഷ നേതാവ് ആവശ്യപ്പെട്ടിട്ടും തുടക്കത്തിൽ ലെജിസ്ലേറ്റീവ് അസംബ്ലിയിൽ മാധ്യമക്യാമറകൾക്ക് വിലക്ക് തുടർന്നിരുന്നു. ചോദ്യോത്തരവേളയിലടക്കം പ്രതിപക്ഷം പ്ലക്കാഡുയർത്തി പ്രതിഷേധിക്കുകയും ചെയ്തിരുന്നു. കഴിഞ്ഞദിവസം മാധ്യമ വിലക്ക് ഏർപ്പെടുത്തിയ നടപടിക്കെതിരെ പ്രതിപക്ഷ നേതാവ് ഒരു കത്ത് അയച്ചിരുന്നു