കറുപ്പലര്‍ജ്ജി കാരണമാണ് മുഖ്യമന്ത്രി നാടുനീളെ പോലീസിനെ ഇറക്കിയിരിക്കുന്നത്. എന്നാല്‍ സഭയിലെത്തിയ മുഖ്യന്‍ പ്ലിങ്. പ്രതിപക്ഷത്തെ ചുണക്കുട്ടികള്‍ ദേ കറുപ്പിട്ടെത്തി. ഇതോടെ എന്നെയങ്ങ് കൊല്ലടേ നീയൊക്കെയെന്ന് മുഖ്യന്റെ രോദനം. സഭയില്‍ ആയതുകൊണ്ട് മുഖ്യമന്ത്രിയ്ക്ക് ഇറങ്ങി ഓടാനും പറ്റില്ല. എന്നാ ഞാന്‍ കണ്ണടച്ചിരിക്കും അല്ല പിന്നെ. അങ്ങനെ കറുപ്പുമായ് മുഖ്യന്‍ സഭയില്‍ ഒളിച്ചേ കണ്ടേ കളി. പിണറായീടെ ഓരോ ഗതികേട് നോക്കണേ. കറുപ്പ് പേടിയുള്ള മുഖ്യമന്ത്രിയെ ഒരുതരത്തിലും വിടാന്‍ പ്രതിപക്ഷം തയ്യാറല്ല. കാരണം നാടുനീളെ എന്ത് പ്രഹസനമാണ് കാണിക്കുന്നത്.

പ്രതിപക്ഷ എംഎല്‍എമാരായ മാത്യു കുഴല്‍നാടനും ഷാഫി പറമ്പിലും കറുത്ത ഷര്‍ട്ട് ധരിച്ചാണ് നിയമസഭയിലെത്തിയത്. നികുതി ഭാരവും മുഖ്യമന്ത്രി പിണറായി വിജയന്റെ സുരക്ഷയും ഉന്നയിച്ച് പ്രതിപക്ഷം സഭയില്‍ പ്രതിഷേധിക്കുന്നു. 'പേടി ഉണ്ടെങ്കില്‍ മുഖ്യമന്ത്രി വീട്ടിലിരിക്കണം' തുടങ്ങിയ പ്ലക്കാര്‍ഡും ബാനറുമായി എത്തിയ പ്രതിപക്ഷാംഗങ്ങള്‍ സഭയില്‍ മുദ്രാവാക്യം വിളിച്ചു. ചോദ്യോത്തരവേളയിലാണ് പ്രതിപക്ഷം പ്രതിഷേധമുയര്‍ത്തിയത്. ചോദ്യോത്തരവേള ചിത്രീകരിക്കാന്‍ ഇത്തവണയും മാധ്യമങ്ങളെ അനുവദിച്ചില്ല. പ്രതിപക്ഷ നേതാവ് വി.ഡി.സതീശന്‍ ഈ ആവശ്യം ഉന്നയിച്ച് കത്ത് നല്‍കിയിരുന്നു. പ്രതിപക്ഷ പ്രതിഷേധം സഭ ടിവിയും ഒഴിവാക്കി.

സഭയില്‍ മുഖ്യനെ ഇരുത്തിയങ്ങ് അപമാനിക്കുകയാണ് പ്രതിപക്ഷം. അപമാനിച്ച് കഴിഞ്ഞെങ്കി ഞാന്‍ പൊയ്‌ക്കോട്ടെ ലൈനില്‍ മുഖ്യമന്ത്രിയും. പ്രതിപക്ഷത്തിരുന്നപ്പോള്‍ കരിങ്കൊടി പ്രതിഷേധത്തെക്കുറിച്ച് പിണറായിയും ടീംസും പറഞ്ഞത് സോഷ്യല്‍മീഡിയ കുത്തിപ്പൊക്കിയിട്ടുണ്ട്. കരിങ്കൊടി പ്രതിഷേധത്തെ ഉമ്മന്‍ചാണ്ടി സര്‍ക്കാര്‍ എന്തിന് ഭയപ്പെടണം. ജനാധിപത്യപരമായ പ്രതിഷേധ രീതിയാണ് തുടങ്ങിയ ഡയലോഗുകള്‍ ആയിരുന്നു. എന്നാല്‍ ഭരണപക്ഷത്ത് എത്തിയപ്പോള്‍ ഈ ലൈന്‍ മാറി. എന്നെ കരിങ്കൊടി കാണിക്കരുതെന്ന ലൈന്‍. എന്നെ കരിങ്കൊടി കാണിക്കുന്നവന്മാരെ ഞാന്‍ തൂക്കി അകത്താക്കുമെന്ന ധാര്‍ഷ്ട്യം. അങ്ങനെ കരിങ്കൊടിയില്‍ പിണറായീടെ ഇരട്ടത്താപ്പ് നയം.

ഏതായാലും സഭയില്‍ പ്രതിപക്ഷ എംഎല്‍എമാര്‍ കറുത്ത വസ്ത്രം ധരിച്ചെത്തിയത് മുഖ്യമന്ത്രിയ്ക്ക് അങ്ങോട്ട് ദഹിച്ചിട്ടില്ല. കരിങ്കൊടി കാണണ്ടായെന്ന് മുഖ്യമന്ത്രി പറഞ്ഞാല്‍ കാണിച്ചിരിക്കും. അതാണ് മലയാളി. മുഖ്യമന്ത്രി ജനങ്ങളെ വെല്ലുവിളിക്കുമ്പോള്‍ ജനം തിരിച്ചും വെല്ലുവിളിക്കും. അതില്‍ വെറുതെ പൊള്ളിയിട്ട് കാര്യമില്ല. എന്ത് പ്രഹസനമാണ് നാടുനീളെ പിണറായി കാണിച്ച് കൂട്ടുന്നത്. സുരക്ഷ വര്‍ദ്ധിപ്പിച്ച് റോഡിലൂടെ ചീറിപ്പായുന്നു. കറുപ്പിട്ട് പുറത്തിറങ്ങാനാകാത്ത സ്ഥിതി. കറുപ്പിട്ട് പുറത്തിറങ്ങുന്നവരെ മണിക്കൂറുകള്‍ തടവില്‍ വെക്കുന്നു. എന്നിട്ട് അതിനെ ന്യായീകരിക്കാന്‍ പാര്‍ട്ടി രംഗത്ത് വരുന്നു. ഒരു ഏകാധിപതിയെ പോലെ പെരുമാറ്റം. ഏതായാലും മുഖ്യമന്ത്രിയുടെ കരിങ്കൊടി അലര്‍ജ്ജിക്ക് മുട്ടന്‍ പണിയാണ് പ്രതിപക്ഷം കൊടുത്ത് കൊണ്ടിരിക്കുന്നത്. ഒരു തരത്തിലും പിണറായിയെ അനങ്ങാന്‍ അനുവദിക്കുന്നില്ല. വഴിനീളെ കരിങ്കൊടി കാണിക്കാന്‍ യൂത്ത് കോണ്‍ഗ്രസ്സ്. പ്രതിപക്ഷത്തെ പിള്ളേര്‍ രണ്ടുംകല്‍പ്പിച്ചാണ് ഇറങ്ങിയിരിക്കുന്നത്. യൂത്ത് കോണ്‍ഗ്രസ്സുകാരെ ചാവേറെന്ന് സിപിഎം അപമാനിച്ചു. എന്നാല്‍ ചാവേറുകളല്ല പുലിക്കുട്ടികളെന്ന് വിഡി സതീശനും. ശരിക്കും പുലിക്കുട്ടികല്‍ തന്നെ. യൂത്ത് കോണ്‍ഗ്രസ്സുകാരെ ഭയന്ന് ഹെലികോപ്ടറില്‍ വരെ കയറി പറക്കേണ്ടി വന്നു മുഖ്യമന്ത്രിയ്ക്ക്. ഇപ്പോള്‍ സഭയിലും മുഖ്യമന്ത്രിയ്ക്ക് എട്ടിന്‍രെ പണി. കറുപ്പ് കണ്ടുകൂടാത്ത മുഖ്യമന്ത്രിയ്ക്ക് മുന്നില്‍ കറുപ്പിട്ട് തന്നെ വന്നു.