കോഴിക്കോട് മാന്‍ഹോളില്‍ ദുരന്തത്തില്‍പ്പെട്ടവരെ രക്ഷിക്കാന്‍ വേണ്ടി സ്വന്തം ജീവന്‍ കൊടുത്ത നൗഷാദിന്റെ പ്രവൃത്തി മണ്ടത്തരമാണെന്ന് ഹിന്ദു ഐക്യവേദി സംസ്ഥാന പ്രസിഡണ്ട് കെ പി ശശികല. തൃശവിപേരൂര്‍ ഹിന്ദു ധര്‍മ്മ പരിഷത്ത് സംഘടിപ്പിച്ച അയ്യപ്പവിളക്ക് മഹോത്സവത്തില്‍ മുഖ്യപ്രഭാഷണം നടത്തുകയായിരുന്നു ഇവര്‍. നൗഷാദിന്റെ ജീവന്‍ കൊടുക്കുന്നതിന് പകരം ഒരു തുണിയോ കയറോ തൊഴിലാളികള്‍ക്ക് ഇട്ടുകൊടുത്താല്‍ അവര്‍ അതില്‍ പിടിച്ചു കയറി രക്ഷപ്പെടുമായിരുന്നതേ ഉള്ളു. അതിനു പകരം നൗഷാദ് അപകടം മനസ്സിലാക്കാതെ മാന്‍ഹോളിലേക്ക് എടുത്തു ചാടുകയാണുണ്ടായത്.
ഇത്തരം മണ്ടത്തരങ്ങള്‍ ആവര്‍ത്തിക്കാതിരിക്കാന്‍ കേരളത്തിലെ മുഴുവന്‍ അമ്മമാരും ഉപദേശിക്കുകയാണ് വേണ്ടതെന്നും ശശികല പറഞ്ഞു. ഇത് രാഷ്ട്രീയമല്ല മറിച്ച് ഒരമ്മയെന്ന നിലയിലും അധ്യാപിക എന്ന നിലയിലുമാണ് തന്റെ വികാരമെന്ന് ഇവര്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha