നിര്ണായക വിവരങ്ങള്... നിശബ്ദമായി നടന്നിരുന്ന ഇടുക്കി തൊടുപുഴയിലെ ബ്യൂട്ടി പാര്ലര് പെണ്വാണിഭ ശൃംഖല മറ്റു ജില്ലകളിലും; തൊടുപുഴയില് മാത്രമല്ല അഞ്ചു ജില്ലകളില് ഇടപാട് കേന്ദ്രങ്ങള്; ഡേറ്റിംഗ് സൈറ്റുകള് വഴിയും സ്ത്രീകളെ കൈമാറും
സംസ്ഥാനത്ത് മറ്റൊരു ബ്യൂട്ടി പാര്ലര് പെണ്വാണിഭം കൂടി പുറത്താകുകയാണ്. അനധികൃത മസാജിംഗ് പാര്ലറിന്റെ മറവില് അനാശാസ്യപ്രവര്ത്തനം നടത്തിയ സ്ത്രീകളടക്കം അഞ്ച് പേരെ അറസ്റ്റ് ചെയ്ത സംഭവത്തില് നിര്ണായക വിവരങ്ങള് പുറത്ത്.
അനാശാസ്യ കേന്ദ്രം നടത്തിയ കോട്ടയം സ്വദേശി സന്തോഷ് പെണ്വാണിഭ ശൃംഖലയിലെ ഒരു കണ്ണി മാത്രമെന്ന് പൊലീസ് വ്യക്തമാക്കുന്നു, നിരവധി ഡേറ്റിംഗ് സൈറ്റുകള് വഴി ടൂറിസത്തിന്റെ മറവില് ഇവര് നിയമവിരുദ്ധ പ്രവര്ത്തനങ്ങളെ കുറിച്ച് പൊലീസ് അന്വേഷണം തുടങ്ങി. തൊടുപുഴയിലെ ലാവ ബ്യൂട്ടി പാര്ലറിന്റെ ഉടമയായ കോട്ടയം സ്വദേശി ടി.കെ. സന്തോഷിന്റെ വിവരങ്ങള് പൊലീസ് ശേഖരിച്ചു.
ഇയാള് നിലവില് ഒളിവിലാണ്. പാര്ലറില് നിന്ന് കിട്ടിയ രേഖകളും പിടിയിലായ അഞ്ചുപേരും നല്കിയ മൊഴിയും അന്വേഷണ സംഘം പരിശോധിച്ചു. ഇതോടയാണ് കൂടുതല് ഞെട്ടിക്കുന്ന വിവരങ്ങള് പുറത്തുവന്നത് സംസ്ഥാനത്താകെ വ്യാപിച്ചിരിക്കുന്ന വന് പെണ്വാണിഭ റാക്കറ്റിന്റെ ചെറിയ ഒരു കണ്ണി മാത്രമാണ് ലാവ ബ്യൂട്ടി പാര്ലറെന്ന് പൊലീസ് വ്യക്തമാക്കുന്നു.
എറണാകുളത്ത് മൂവാറ്റുപുഴയില്, പത്തനംതിട്ടയിലെ തിരുവല്ല, കോഴിക്കോട് നടക്കാവ്, തിരുവനന്തപുരത്ത് വിവിധ സ്ഥലങ്ങളിലായി പല പേരുകളില് മസാജിംഗ് സെന്ററുകള് പ്രവര്ത്തിക്കുന്നതായി പൊലീസ് കണ്ടെത്തി.
സോഷ്യല് മീഡിയ വഴിയും വിവിധ ഡേറ്റിംഗ് ആപ്പുകള് വഴിയുമാണ് ഇടപാടുകാരെ കണ്ടെത്തുന്നത്. സ്ത്രീകളെ ടൂറിസം കേന്ദ്രങ്ങളിലെത്തിച്ച് കൈമാറാനും ശൃംഖലയില് ആളുകളുണ്ടെന്ന് അറസ്റ്റിലായവര് മൊഴി നല്കിയിട്ടുണ്ട്. സന്തോഷ് പിടിയിലായാല് കൂടുതല് വിവരങ്ങള് പുറത്തുവരുമെന്നാണ് നിഗമനം.
ഇന്നലെ ഉച്ചയോടെ തൊടുപുഴ നഗരത്തില് പുതിയ കെ.എസ്.ആര്.ടി.സി ടെര്മിനലിന് സമീപത്തെ സ്വകാര്യ ഷോപ്പിങ് കോംപ്ലക്സില് പ്രവര്ത്തിച്ചുവന്നിരുന്ന ലാവ ബ്യൂട്ടി പാര്ലറിലാണ് ഡിവൈ.എസ്.പി എം.ആര്. മധുബാബുവിന്റെ നേതൃത്വത്തില് പരിശോധന നടത്തിയത്. ആറ് മാസത്തിലധികമായി ഈ സ്ഥാപനം ഇവിടെ പ്രവര്ത്തിച്ചു വരികയാണെന്നാണ് വിവരം.
ബ്യൂട്ടിപാര്ലറിന് മാത്രമുള്ള ലൈസന്സിന്റെ മറവിലാണ് അനധികൃതമായി മസാജിംഗ് സെന്ററായി പ്രവര്ത്തിച്ചിരുന്നത്. മസാജിംഗ് പാര്ലറിലെ ജോലിക്കാരായ വയനാട് സ്വദേശി ലീന (35), തിരുവനന്തപുരം സ്വദേശി വിനോഫ (33), മസാജിംഗിന് എത്തിയ മുട്ടം സ്വദേശികളായ ജയിംസ് (24), കണ്ണന് (23), സ്ഥാപനത്തിലെ ശുചീകരണ തൊഴിലാളിയായ ആലപ്പുഴക്കാരനേയുമാണ് അറസ്റ്റ് ചെയ്തത്.
തൊടുപുഴയിലെ ലാവയെന്ന ബ്യൂട്ടിപാര്ലറില് നടന്ന മസാജിംഗും മറ്റ് നിയമവരുദ്ധ പ്രവര്ത്തനങ്ങളുമെല്ലാം പൊലീസ് പരിശോധിക്കുന്നുണ്ട്. ആദ്യം ലാവയുടെ ഉടമയായ കോട്ടയം സ്വദേശി ടി.കെ സന്തോഷിന്റെ വിവരങ്ങളാണ് പൊലീസ് ശേഖരിച്ചത്. പാര്ല്ലറില് നിന്ന് കിട്ടിയ രേഖകളും പിടിയിലായ അഞ്ചുപേരും നല്കിയ മൊഴിയും അന്വേഷണ സംഘം വിശദമായി പരിശോധിച്ചു. ഇതോടെയാണ് കൂടുതല് ഞെട്ടിക്കുന്ന വിവരങ്ങള് പുറത്തായത്.
ബ്യൂട്ടിപാര്ലറിന്റെ മറവില് മസാജിംഗ് സെന്റര് നടത്തിയതിന് ജാമ്യം ലഭിക്കുന്ന നിസാരമായ കുറ്റമെന്നാണ് എല്ലാവരും ആദ്യം കരുതിയത്. പക്ഷെ പരിശോധനയില് സംസ്ഥാനത്താകെ വ്യാപിച്ചിരിക്കുന്ന വലിയ പെണ്വാണിഭ ശൃഘലയുടെ ഒരു കണ്ണിമാത്രമാണ് തൊടുപുഴയിലെ ലാവ ബ്യൂട്ടിപാര്ലറെന്നത് പൊലീസിന് വ്യക്തമായത്.
ഇതിലെ ഒരു കണ്ണിമാത്രമാണ് തോടുപുഴയിലെ ലാവ. കൂടുതല് തെളിലുകള് ലഭിക്കാന് ലാവയുടെ ഉടമ ടികെ സന്തോഷിനെ കസ്റ്റഡിയിലെടുക്കാനാണ് ശ്രമിക്കുന്നത്.
"
https://www.facebook.com/Malayalivartha
