സ്വകാര്യ പ്രാക്ടീസ്: മഞ്ചേരി മെഡിക്കല് കോളേജ് ഡോക്ടറെ സസ്പെന്ഡ് ചെയ്തു
സ്വകാര്യ പ്രാക്ടീസ് നടത്തിയ മഞ്ചേരി മെഡിക്കല് കോളേജിലെ ഓര്ത്തോപീഡിക്സ് വിഭാഗം അസിസ്റ്റന്റ് പ്രൊഫസറെ സര്വീസില് നിന്നും സസ്പെന്ഡ് ചെയ്ത് ഉത്തരവ് പുറപ്പെടുവിച്ചു.
ഈ ഡോക്ടര് സ്വകാര്യ പ്രാക്ടീസ് നടത്തിയതായി വിജിലന്സ് വിഭാഗം നടത്തിയ പരിശോധനയില് കണ്ടെത്തിയത്തിയിരുന്നു. തുടര്ന്ന് അന്വേഷണ വിധേയമായാണ് മെഡിക്കല് വിദ്യാഭ്യാസ വകുപ്പ് സസ്പെന്ഡ് ചെയ്തിരിക്കുന്നത്.
അതേസമയം ഹെല്ത്ത് സര്വീസിന് കീഴിലുള്ള ഡോക്ടര്മാര്ക്ക് സ്വകാര്യ പ്രാക്ടീസ് അനുവദനീയമാണെങ്കിലും ആശുപത്രിയുടെ സമീപത്ത് ബോര്ഡ് വച്ച് സ്വകാര്യ പ്രാക്ടീസ് നടത്തുന്നവര്ക്കെതിരെ കര്ശന നടപടിയുണ്ടാകുമെന്ന് കഴിഞ്ഞ മാസം മന്ത്രി പറഞ്ഞിരുന്നു.
അങ്ങനെയുള്ളവര് അതില് നിന്നും പിന്മാറണമെന്നും പറഞ്ഞിട്ടുണ്ടായിരുന്നു. ചട്ട ലംഘനം നടത്തി ആശുപത്രിയ്ക്ക് സമീപം സ്വകാര്യ പ്രാക്ടീസ് നടത്തുന്നവര്ക്കെതിരെ അതിശക്തമായ നടപടി സ്വീകരിക്കുമെന്നും അറിയിപ്പ് നല്കിയിട്ടുണ്ടായിരുന്നു.
"
https://www.facebook.com/Malayalivartha
