കരിപ്പൂര്‍ വിമാനത്താവളം വഴി കടത്താന്‍ ശ്രമിച്ച 1.1 കോടി രൂപ വിലമതിക്കുന്ന സ്വര്‍ണവും എട്ട് ലക്ഷം രൂപയുടെ വിദേശ കറന്‍സിയും പിടികൂടി കസ്റ്റംസ്.

താമരശേരി സ്വദേശി റാഷിക്, മലപഗ്പുറം സ്വദേശി മൂനീര്‍, വടകര സ്വദേശി സെര്‍ബീല്‍ എന്നിവരാണ് പിടിയിലായത്. എയര്‍ ഇന്ത്യ എക്സ്പ്രസ് വിമാനത്തില്‍ ദോഹയില്‍ നിന്നാണ് റാഷിക് കോഴിക്കോടെത്തിയത്. ഇയാളില്‍ നിന്ന്് 1,066 ഗ്രാം സ്വര്‍ണമാണ് കണ്ടെടുത്തത്.

സ്പൈസ് ജെറ്റ് വിമാനത്തില്‍ ദുബായില്‍ നിന്നാണ് മുനീറെത്തിയത്. ഇയാളില്‍ നിന്ന് 1,078 ഗ്രാം സ്വര്‍ണ സംയുക്തമാണ് പിടികൂടിയത്. ഇരുവരും ക്യാപസ്യൂളാക്കിയാണ് സ്വര്‍ണം കടത്തിയത്. ദുബായിലേക്ക് പോകാനെത്തിയതായിരുന്നു സെര്‍ബീല്‍. ഇയാളില്‍ നിന്ന് 2,585 ഒമാന്‍ റിയാലും 1,035 കുവൈത്തി ദിനാറുമാണ് കണ്ടെടുത്തത്. ബാഗില്‍ ഒളിപ്പിച്ച നിലയിലായിരുന്നു .