ജനകീയ പ്രതിരോധ ജാഥ ഇന്ന് തലസ്ഥാനത്ത് സമാപിക്കും.... വൈകുന്നേരം അഞ്ചിന് പുത്തരിക്കണ്ടം മൈതാനത്ത് സമാപനസമ്മേളനത്തില് ലക്ഷങ്ങള് പങ്കെടുക്കും, സിപിഐ എം ജനറല് സെക്രട്ടറി സീതാറാം യെച്ചൂരി ഉദ്ഘാടനം ചെയ്യും
ജനകീയ പ്രതിരോധ ജാഥ ശനിയാഴ്ച തലസ്ഥാനത്ത് സമാപിക്കും. വൈകുന്നേരം അഞ്ചിന് പുത്തരിക്കണ്ടം മൈതാനത്ത് സമാപനസമ്മേളനത്തില് ലക്ഷങ്ങള് പങ്കെടുക്കും. സിപിഐ എം ജനറല് സെക്രട്ടറി സീതാറാം യെച്ചൂരി ഉദ്ഘാടനം ചെയ്യും.
കാസര്കോട് മഞ്ചേശ്വരം കുമ്പളയില് നിന്നും ഫെബ്രുവരി 20 ന് മുഖ്യമന്ത്രി പിണറായി വിജയന് ഉദ്ഘാടനം ചെയ്ത ജാഥ 14 ജില്ലകളിലെ മലയോരം മുതല് കടലോരം വരെയുള്ള പ്രദേശങ്ങളിലെ 135 കേന്ദ്രങ്ങളില് നല്കിയ സ്വീകരണം ഏറ്റുവാങ്ങിയാണ് ഇന്ന് വൈകിട്ട് 5 ന് പുത്തരിക്കണ്ടത്ത് സമാപിക്കുന്നത്.
ജാഥാക്യാപ്റ്റന് എം വി ഗോവിന്ദന്, ജാഥാ മാനേജര് പി കെ ബിജു, ജാഥാ അംഗങ്ങളായ സി എസ് സുജാത, എം സ്വരാജ്, കെ ടി ജലീല്, ജെയ്ക് സി തോമസ്, മന്ത്രിമാര് എന്നിവര് സംസാരിക്കും. രാഷ്ട്രീയ സാമൂഹിക രംഗത്തെ പ്രമുഖരും പങ്കെടുക്കും.
ദിവസവും അഞ്ച് വീതം കേന്ദ്രങ്ങളിലാണ് ജാഥക്ക് സ്വീകരണം നല്കിയത്. വിവിധ സ്വീകരണ കേന്ദ്രങ്ങളില് ചുവപ്പ് സേന വോളന്റിയര്മാര് ഗാഡ് ഓഫ് ഓണര് നല്കിയാണ് ജാഥയെ വരവേറ്റത്.. 15 ലക്ഷത്തിലധികം പേര് ജാഥയുടെ വിവിധ സ്വീകരണ കേന്ദ്രങ്ങളില് പങ്കാളികളായി.
അതേസമയം ജാഥ രാവിലെ 10ന് പാറശാല കുന്നത്തുകാല്, പകല് 11ന് നെയ്യാറ്റിന്കര ആശുപത്രി ജങ്ഷന്, മൂന്നിന് കാഞ്ഞിരംകുളം, വൈകിട്ട് 5ന് പുത്തരിക്കണ്ടം മൈതാനത്ത് അവസാനിക്കും.
" f
https://www.facebook.com/Malayalivartha
