ഒന്നേകാല് കോടിയോളം രൂപ വിലവരുന്ന 2.6 കിലോ സ്വര്ണം കൊച്ചി രാജ്യാന്തര വിമാനത്താവളത്തില് എയര് കസ്റ്റംസ് ഇന്റലിജന്സ് വിഭാഗം പിടികൂടി
ഒന്നേകാല് കോടിയോളം രൂപ വിലവരുന്ന 2.6 കിലോ സ്വര്ണം കൊച്ചി രാജ്യാന്തര വിമാനത്താവളത്തില് പിടികൂടി. രണ്ട് യാത്രക്കാരില്നിന്നായാണ് എയര് കസ്റ്റംസ് ഇന്റലിജന്സ് വിഭാഗം പിടികൂടിയത്.
ഇന്ഡിഗോ വിമാനത്തില് ഇന്നലെ രാവിലെ അബുദാബിയില് നിന്നെത്തിയ മലപ്പുറം സ്വദേശി സജീര് ശരീരത്തില് രണ്ടിടത്തായാണ് സ്വര്ണം ഒളിപ്പിച്ചിരുന്നത്.
1158.55ഗ്രാം സ്വര്ണമിശ്രിതം നാല് കാപ്സ്യൂളുകളാക്കി ശരീരത്തില് ഒളിപ്പിച്ചതിന് പുറമെ അടിവസ്ത്രത്തില് 636.85 ഗ്രാം സ്വര്ണം കുഴമ്പുരൂപത്തിലാക്കി തേയ്ച്ച് പിടിപ്പിച്ചിരുന്നു.
ആദ്യമായാണ് ഒരാള് രണ്ട് തരത്തില് സ്വര്ണം കടത്താന് ശ്രമിച്ച് പിടിയിലാകുന്നതെന്ന് കസ്റ്റംസ് അധികൃതര് പറഞ്ഞു. മറ്റൊരു കേസില് മലപ്പുറം സ്വദേശി അബ്ദുള് സലീമില് നിന്നുമാണ് കസ്റ്റംസ് 873.98 ഗ്രാം സ്വര്ണം പിടിച്ചത്.
സ്വര്ണം മൂന്ന് കാപ്സ്യൂളുകളില് നിറച്ചാണ് കൊണ്ടുവന്നത്. എയര് ഇന്ത്യ എക്സ്പ്രസ് വിമാനത്തില് അബുദാബിയില് നിന്നാണ് അബ്ദുള് സലീം നെടുമ്പാശേരിയിലെത്തിയത്.
"
https://www.facebook.com/Malayalivartha