വാഹനക്യൂ നൂറു മീറ്ററിലേറെ നീണ്ടാല് ഗതാഗതക്കുരുക്ക് ഒഴിവാക്കാന് ടോള് വാങ്ങാതെ വാഹനങ്ങള് കടത്തിവിടണമെന്ന ദേശീയപാത അതോറിറ്റിയുടെ മാര്ഗ നിര്ദേശം നടപ്പാക്കുന്നത് കേന്ദ്ര സര്ക്കാര് പരിഗണിക്കണമെന്ന് ഹൈക്കോടതി
വാഹനക്യൂ നൂറു മീറ്ററിലേറെ നീണ്ടാല് ഗതാഗതക്കുരുക്ക് ഒഴിവാക്കാന് ടോള് വാങ്ങാതെ വാഹനങ്ങള് കടത്തിവിടണമെന്ന ദേശീയപാത അതോറിറ്റിയുടെ മാര്ഗ നിര്ദേശം നടപ്പാക്കുന്നത് കേന്ദ്ര സര്ക്കാര് പരിഗണിക്കണമെന്ന് ഹൈക്കോടതി.
തൃശൂരിലെ പാലിയേക്കര ടോള് പ്ലാസയിലൂടെ വാഹനങ്ങള് കടത്തി വിടാന് വൈകുന്നത് ഗതാഗതക്കുരുക്കിന് കാരണമാകുന്നുവെന്നാരോപിച്ച് പാലക്കാട് സ്വദേശി നിതിന് രാമകൃഷ്ണന് നല്കിയ അപ്പീലില് ജസ്റ്റിസ് മുഹമ്മദ് മുഷ്താഖ്, ജസ്റ്റിസ് ശോഭ അന്നമ്മ ഈപ്പന് എന്നിവരടങ്ങുന്ന ഡിവിഷന് ബെഞ്ചിന്റേതാണ് ഉത്തരവ്.
തിരക്കുള്ള സമയത്ത് ടോള് പ്ലാസയില് വാഹനങ്ങള് കെട്ടിക്കിടക്കേണ്ടി വരുന്നതായി ഹരജിക്കാരന് ചൂണ്ടിക്കാട്ടി. സാങ്കേതിക വിദ്യ പുരോഗമിച്ച പുതിയ കാലത്ത് ഇതിലെല്ലാം മാറ്റം വരേണ്ടതുണ്ടെന്ന് ഡിവിഷന് ബെഞ്ച് . തുടര്ന്നാണ് ദേശീയ പാത അതോറിറ്റിയുടെ 2021 മേയ് 24 ലെ മാര്ഗ നിര്ദേശം പരിഗണിക്കാന് നിര്ദേശിച്ചത്.
വാഹനങ്ങളുടെ നിര നൂറു മീറ്ററിനുള്ളിലെത്തുന്നതുവരെ വണ്ടികള് കടത്തി വിടണമെന്നും ടോള് പ്ലാസയില് നൂറു മീറ്റര് ദൂരത്തില് മഞ്ഞവരയിടണമെന്നും വ്യവസ്ഥകള് ടോള് പ്ലാസയില് പ്രദര്ശിപ്പിക്കണമെന്നും മാര്ഗ നിര്ദേശത്തിലുണ്ട്. ഇക്കാര്യത്തില് നിലപാടറിയിക്കാനായി കേന്ദ്ര സര്ക്കാറിന് നിര്ദേശം നല്കിയ ഹര്ജി പിന്നീട് പരിഗണിക്കാനായി മാറ്റി.
"
https://www.facebook.com/Malayalivartha