അടുത്ത ലക്ഷ്യം കേരളം പിടിക്കുമെന്ന പ്രധാനമന്ത്രി നരേന്ദ്ര മോദിയുടെ പ്രസ്താവനയെ കളിയാക്കിയ സിപിഎമ്മിനും കോണ്‍ഗ്രസിനും കനത്ത പ്രഹരം. എങ്ങന കേരളം പിടിക്കുമെന്നതിന്റെ സാമ്പിള്‍ വെടിക്കെട്ടായി ബിഷപ്പ് മാര്‍ ജോസഫ് പാംപ്ലാനിയുടെ ഇന്നലെത്തെ പ്രസ്താവന.

തൃശൂര്‍ ഞാനെടുക്കും വേണ്ടി വന്നാല്‍ കണ്ണൂരും എന്ന സുരേഷ് ഗോപിയുടെ പ്രസ്താവനയെ ഗോവിന്ദന്‍ മാഷ് കളിയാക്കിയിരുന്നു. സുരേഷ് ഗോപി രണ്ടിടത്തും മൂന്നാം സ്ഥാനത്താകുമെന്ന്. അതിലും കണ്ണൂര്‍ തലശേരി ബിഷപ്പിന്റെ പ്രസ്താവനയോടെ ഇളക്കം തട്ടിയിരിക്കുകയാണ്.

കുടിയേറ്റ കര്‍ഷകന്റെ വികാരമാണ് താന്‍ പ്രകടിപ്പിച്ചതെന്ന് തലശേരി ആര്‍ച്ച് ബിഷപ് മാര്‍ ജോസഫ് പാംപ്ലാനി ഉറച്ച് നിന്നു. കര്‍ഷകര്‍ക്കുവേണ്ടി സംസാരിക്കാന്‍ പാടില്ലെന്ന് ആരും കല്‍പന പുറപ്പെടുവിക്കരുത്. ഇറക്കുമതി നയം നിശ്ചയിക്കേണ്ടത് കേന്ദ്ര സര്‍ക്കാരിനെ നയിക്കുന്ന രാഷ്ട്രീയ പാര്‍ട്ടിയാണ്. അതുകൊണ്ടാണ് ബിജെപിയെ പരാമര്‍ശിച്ചത്.

ആലക്കോട് നടന്ന കത്തോലിക്ക കോണ്‍ഗ്രസ് കര്‍ഷക റാലിയില്‍ മാര്‍ ജോസഫ് പാംപ്ലാനി നടത്തിയ പ്രസംഗമാണ് വിവാദമായത്. റബറിന് കിലോയ്ക്ക് 300 രൂപയായി പ്രഖ്യാപിച്ചാല്‍ ബിജെപിയെ സഹായിക്കുമെന്നും കേരളത്തില്‍നിന്ന് എംപി ഇല്ലെന്ന ബിജെപിയുടെ വിഷമം കുടിയേറ്റ ജനത പരിഹരിച്ചുതരുമെന്നുമായിരുന്നു ബിഷപ്പിന്റെ പ്രസംഗം.

തിരഞ്ഞെടുപ്പില്‍ വോട്ടായി മാറാത്ത ഒരു പ്രതിഷേധത്തിനും ജനാധിപത്യത്തില്‍ വിലയില്ല എന്ന സത്യം ഓര്‍ക്കണമെന്നും മാര്‍ ജോസഫ് പാംപ്ലാനി സമ്മേളനത്തില്‍ ഓര്‍മിപ്പിച്ചു. ബിഷപ്പിനെതിരെ സിപിഎം നേതാക്കള്‍ രംഗത്തെത്തിയിരുന്നു.

കണ്മൂര്‍ തലശേരി ആര്‍ച്ച് ബിഷപ്പാണ് മാര്‍ ജോസഫ് പാംപ്ലാനി. കര്‍ഷകനെ ഏത് മുന്നണി പിന്തുണച്ചാലും അവര്‍ക്കു പിന്തുണ നല്‍കും. ആരോടും അയിത്തമില്ല. ഇത് സഭയുടെ തീരുമാനമല്ല. മലയോര കര്‍ഷകരുടെ തീരുമാനമാണ്. കര്‍ഷകരുമായി കൂടിയാലോചിച്ചെടുത്ത നിലപാടാണ് താന്‍ പ്രഖ്യാപിച്ചത്. തങ്ങള്‍ക്ക് രാഷ്ട്രീയമില്ലെന്നും കര്‍ഷകരുടെ നീറുന്ന സങ്കടമാണ് യഥാര്‍ഥ പ്രശ്‌നമെന്നും ആര്‍ച്ച് ബിഷപ്പ് മാധ്യമങ്ങളോട് വ്യക്തമാക്കി. േ

കന്ദ്രസര്‍ക്കാര്‍ റബര്‍ വില 300 രൂപയാക്കിയാല്‍ ബിജെപിയെ പിന്തുണയ്ക്കാമെന്ന നിലപാടില്‍ ഉറച്ചു നില്‍ക്കുകയാണ് തലശേരി ആര്‍ച്ച് ബിഷപ്പ് മാര്‍ ജോസഫ് പാംപ്ലാനി. ബിജെപി സര്‍ക്കാര്‍ റബര്‍ വില 300 രൂപയാക്കുന്ന സാഹചര്യം ഉണ്ടാക്കിയാല്‍ കേന്ദ്രസര്‍ക്കാരിനെ പിന്തുണയ്ക്കാന്‍ ഇവിടുത്തെ മലയോര കര്‍ഷകര്‍ തയ്യാറാകും.

കാരണം മലയോര കര്‍ഷകര്‍ അത്രയേറെ ഗതികേടിന്റെ വക്കിലാണെന്നും ആര്‍ച്ച് ബിഷപ്പ് ചൂണ്ടിക്കാട്ടി. ബിജെപിയെ സഹായിക്കാം എന്നല്ല താന്‍ പറഞ്ഞത്. ഇപ്പോള്‍ ഞങ്ങളെ സഹായിക്കാനുള്ള നയം രൂപീകരിക്കാന്‍ സാധിക്കുന്നത് കേന്ദ്രം ഭരിക്കുന്ന ബിജെപിക്കാണ്. കര്‍ഷകരുടെ കുടുംബങ്ങളില്‍ ജപ്തി നോട്ടീസ് എത്തുന്ന സാഹചര്യമാണ്. മുന്നോട്ടു നോക്കുമ്പോള്‍ കര്‍ഷകന്റെ മുന്നില്‍ പൂര്‍ണമായും അന്ധകാരം മാത്രമാണ്.

ഇത്തരമൊരു പ്രതിസന്ധിയില്‍ കര്‍ഷകര്‍ക്കു ഇപ്പോള്‍ മുന്നോട്ടുനീങ്ങണമെങ്കില്‍ ആകെക്കൂടിയുള്ള വരുമാന മാര്‍ഗം റബര്‍ കൃഷിയാണ്. റബറിനെ പിന്തുണയ്ക്കുന്നതു ആരോണോ, അവര്‍ക്ക് ഞങ്ങള്‍ പിന്തുണ നല്‍കും. ഇതില്‍ മറ്റ് രാഷ്ട്രീയ ലക്ഷ്യങ്ങളില്ല. കര്‍ഷകന്റെ അവസ്ഥ അത്രയും ദയനീയമാണെന്നും ആര്‍ച്ച് ബിഷപ്പ് വ്യക്തമാക്കി.

കര്‍ഷകരുടെ കുടുംബങ്ങളില്‍ ജപ്തി നോട്ടീസ് എത്തുന്ന സാഹചര്യമാണ്. മുന്നോട്ടു നോക്കുമ്പോള്‍ കര്‍ഷകന്റെ മുന്നില്‍ പൂര്‍ണമായും അന്ധകാരം മാത്രമാണ്. ഇത്തരമൊരു പ്രതിസന്ധിയില്‍ കര്‍ഷകര്‍ക്കു ഇപ്പോള്‍ മുന്നോട്ടുനീങ്ങണമെങ്കില്‍ ആകെക്കൂടിയുള്ള വരുമാന മാര്‍ഗം റബര്‍ കൃഷിയാണ്. റബറിനെ പിന്തുണയ്ക്കുന്നതു ആരോണോ, അവര്‍ക്ക് ഞങ്ങള്‍ പിന്തുണ നല്‍കും. ഏകദേശം 15 ലക്ഷത്തിലധികം കുടുംബങ്ങള്‍ റബറിനെ ആശ്രയിച്ചു ജീവിക്കുന്നവരാണ്. അത്രയും വിശാലമായ ഒരു സമൂഹം ഇപ്പോള്‍ അനുഭവിക്കുന്നത് സമാനതകളില്ലാത്ത പ്രതിസന്ധിയാണ്.

സിപിഎം സംസ്ഥാന സെക്രട്ടറി എം വി ഗോവിന്ദന്റെ വിമര്‍ശനത്തിനും ആര്‍ച്ച് ബിഷപ്പ് മറുപടി നല്‍കി. റബര്‍ വില നിസാര വിഷയമല്ല, ഗോവിന്ദന്‍ മാഷിന് അങ്ങനെ തോന്നുന്നുണ്ടാകുമെന്നും ബിഷപ്പ് പറഞ്ഞു. എന്തായാലും ബിജെപിയ്ക്ക് ശുഭ സൂചകമാണ് ബിഷപ്പിന്റെ പ്രസ്താവന.