ഇന്ത്യയില് കടലാമ പഠനത്തിന് തുടക്കം കുറിച്ച പ്രമുഖ ഗവേഷകന് സതീഷ് ഭാസ്കര് അന്തരിച്ചു...അസുഖത്തെ തുടര്ന്ന് ബെംഗളൂരുവിലെ ആശുപത്രിയിലായിരുന്നു അന്ത്യം
ഇന്ത്യയില് കടലാമ പഠനത്തിന് തുടക്കം കുറിച്ച പ്രമുഖ ഗവേഷകന് സതീഷ് ഭാസ്കര് (77) അന്തരിച്ചു. അസുഖത്തെ തുടര്ന്ന് ബെംഗളൂരുവിലെ ആുശുപത്രിയിലായിരുന്നു അന്ത്യം.
1977 ലാണ് സതീഷ് ഭാസ്കര് രാജ്യത്ത് കടലാമ പഠനം ആരംഭിക്കുന്നത്. ഒരു പതിറ്റാണ്ടു കാലം ആ പഠനമേഖലയെ ഒറ്റയ്ക്ക് മുന്നോട്ടു നയിച്ചു. 7500 കിലോമീറ്റര് വരുന്ന ഇന്ത്യ തീരം മുഴുവന് പഠനത്തിന്റെ ഭാഗമായി കാല്നടയായി പിന്നിട്ട വ്യക്തിയാണ് ഈ ഗവേഷകന്. ആന്ഡമാന് നിക്കോബാര് മേഖല ഉള്പ്പടെ ഇന്ത്യയിലെ 670 ഓളം ദ്വീപുകളില് കടലാമകള്ക്കായി ഇദ്ദേഹം പര്യടനം നടത്തുകയും ചെയ്തു.
പാറയില് ഭാസ്ക്കരന്റെയും ചെറിയചാണാശ്ശേരി രാമന് പത്മിനിയുടെയും ഏക മകനായി 1946 സപ്തംബര് 11 ന് എറണാകളും ജില്ലയിലെ ചെറാ
യിയിലാണ് സതീഷ് ഭാസ്ക്കറിന്റെ ജനനം. ഇരിങ്ങാലക്കുട സ്വദേശിയായിരുന്ന ഭാസ്ക്കരന് പട്ടാളത്തില് മേജറായിരുന്നു; പത്മിനി ചെറായി സ്വദേശിയും.സതീഷിന്റെ ആദ്യകാല വിദ്യാഭ്യാസം കേരളത്തിന് പുറത്ത് വിവിധ സ്ഥലങ്ങളിലായിട്ടായിരുന്നു .
ഷില്ലോങിലെ സെന്റ് എഡ്മ് കോളേജില്നിന്ന് ഇന്റര്മീഡിയറ്റ് പാസായ സതീഷ്, മദ്രാസ്സ് ഐ.ഐ.ടി.യില് ഇലക്ട്രിക്കല് എന്ജിനിയറിങിന് ചേര്ന്നു. ആ സമയത്താണ് മദ്രാസ്സ് സ്നേക്ക് പാര്ക്കിന്റെ സ്ഥാപകനും പ്രശസ്ത ഉരഗജീവി വിദഗ്ധനുമായ റോമുലസ് വിറ്റേക്കറുമായി സതീഷ് പരിചയപ്പെടുന്നത്. അതോടെ ഐ.ഐ.ടി.യ്ക്ക് പകരം സ്നേക്ക്പാര്ക്കിലായി സതീഷിന്റെ ശ്രദ്ധ. ആ ബന്ധമാണ് സതീഷിനെ കടലാമ ഗവേഷണത്തിലേക്ക് തിരിയാന് പ്രേരിപ്പിച്ചത്.
"
https://www.facebook.com/Malayalivartha
