തലശേരി ആർച്ച് ബിഷപ്പിനെതിരെ താൻ കൊലവിളി നടത്തിയിട്ടില്ലെന്ന വിശദീകരണവുമായി മുൻമന്ത്രിയും സിപിഎം നേതാവുമായ കെ ടി ജലീൽ എംഎൽഎ വീണ്ടും രംഗത്ത്.ബിജെപി നൽകുന്ന റബ്ബറിന്റെ വില പോയി വാങ്ങണമെങ്കിൽ ഉടലിൽ തലയുണ്ടായിട്ടുവേണ്ടേ എന്നായിരുന്നു ജലീലിന്റെ കഴിഞ്ഞ ദിവസത്തെ എഫ്ബി പോസ്റ്റ്.എന്നാൽ ഇതിനെതിരെ വ്യാപക പ്രതിഷേധമാണ് ഉയർന്നത്.ജലീലിനെ അറസ്റ്റുചെയ്യണമെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ ആവിശ്യപ്പെട്ടിരുന്നു.മുൻ എംഎൽഎ പി സി ജോർജ് ആവട്ടെ ജലീലിനെ പരസ്യമായി വെല്ലുവിളിക്കുകയും ചെയ്തു. ജലീലിന് എതിരെ പി സി ജോർജ് മലയാളി വാർത്തയോട് പറഞ്ഞത് കേൾക്കാം.

ഇതൊക്കെ കേട്ട് വയറ് നിറഞ്ഞതോടെയാണ് കെടി ജലീൽ ഫേസ്പുബുക്കിൽ പുതിയ വ്യാഖ്യാനം കുറിച്ചത്.ബിജെപി നൽകുന്ന ആനുകൂല്യങ്ങൾ ന്യൂനപക്ഷങ്ങൾക്ക് വാങ്ങാൻ അവരുടെ ഉടലിൽ തലയുണ്ടായാലല്ലേ കഴിയൂ എന്നാണ് താൻ ഉദ്ദേശിച്ചതെന്നാണ് ജലീലിന്റെ പുതിയ വിശദീകരണം.ഓരോദിവസം ഉറക്കമുണരുമ്പോഴും തലതപ്പിനോക്കി അത് സ്ഥാനത്തുണ്ടോയെന്ന് ഉറപ്പുവരുത്തേണ്ട സ്ഥിതി ഒരു നാട്ടിലും ഉണ്ടാകാൻ പാടില്ലെന്നും ജലീൽ എഴുതുന്നു.കള്ളക്കഥ മെനഞ്ഞ് ഭിന്നിപ്പിക്കാൻ സുരേന്ദ്രനാവില്ലെന്ന തലക്കെട്ടിലാണ് ഈ പുതിയ എഫ്പി പോസ്റ്റ്.ക്രൈസ്തവ സമുദായത്തിന്റെ വോട്ട് പെട്ടിയിലാക്കാമെന്ന്സുരേന്ദ്രൻ വ്യാമോഹിക്കേണ്ടെന്നും ജലീൽ എഴുതുന്നു.