പ്രചരിക്കുന്ന വാര്ത്തകള്ക്ക് അടിസ്ഥാനമില്ലെന്ന് നടന് ഇടവേള ബാബു.... അത്യാഹിത വിഭാഗത്തില് നിരീക്ഷണത്തിലാണ് അദ്ദേഹം
നടനും ചാലക്കുടി മുന് എംപിയുമായ ഇന്നസന്റിന്റെ ആരോഗ്യനില ഗുരുതരം. ആശുപത്രിയിലെ അത്യാഹിത വിഭാഗത്തില് യന്ത്രങ്ങളുടെ സഹായത്തോടെ നിരീക്ഷണത്തിലാണ് ഇന്നസന്റെന്നും മറ്റുതരത്തില് പ്രചരിക്കുന്ന വാര്ത്തകള്ക്ക് അടിസ്ഥാനമില്ലെന്നും നടന് ഇടവേള ബാബു അറിയിച്ചു. അര്ബുദത്തെ തുടര്ന്നുള്ള ശാരീരിക അസ്വസ്ഥതകള് മൂലമാണ് ഇന്നസന്റിനെ ആശുപത്രിയില് പ്രവേശിപ്പിച്ചത്.
കുറച്ച് ദിവസങ്ങളായി ആരോഗ്യപരമായ ബുദ്ധിമുട്ടുകളാല് അദ്ദേഹം ആശുപത്രിയിലായിരുന്നു. വ്യാജ വാര്ത്തകള് ഇതിനോടകം പ്രചരിക്കുന്ന സാഹചര്യത്തില് ഇന്നസന്റിന്റെ ആരോഗ്യനിലയില് മാറ്റമില്ലാതെ തുടരുകയാണന്ന് ആശുപത്രി വൃത്തങ്ങള് അറിയിച്ചു. അത്യാഹിത വിഭാഗത്തില് നിരന്തര നിരീക്ഷണത്തിലാണ് അദ്ദേഹമെന്നാണ് കൊച്ചിയിലെ സ്വകാര്യ ആശുപത്രി വൈകിട്ട് അഞ്ചിന് പുറത്തിറക്കിയ മെഡിക്കല് ബുള്ളറ്റിനില് വ്യക്തമാക്കിയത്.
അദ്ദേഹം നിലവില് എക്മോ (എക്സ്ട്രകോര്പോറിയല് മെംബ്രേന് ഓക്സിജനേഷന്) ചികിത്സയിലാണ്. ഹൃദയം, ശ്വാസകോശം എന്നിവയുടെ പ്രവര്ത്തനം യന്ത്രങ്ങള് ഏറ്റെടുക്കുന്ന രീതിയാണിത്. രക്തത്തിന്റെ കൃത്യമായ പമ്പിങ് നടക്കുന്നതിനാല് ഓക്സിജന്റെ അളവു ക്രമാതീതമായി കുറയുന്നത് ഒഴിവാക്കാനാകും. ഇപ്പോള് അദ്ദേഹത്തിന്റെ ഹൃദയത്തിന് വിശ്രമമാണ് വേണ്ടതെന്നും അത് ഈ ചികിത്സ വഴി നടക്കുമെന്നും ഡോക്ടര്മാര് അറിയിച്ചു.
https://www.facebook.com/Malayalivartha
