കോഴിക്കോട് ഗര്ഭിണിയായ യുവതിയുടെ ആത്മഹത്യ.... സംഭവത്തില് ഭര്ത്താവും ഭര്തൃമാതാവും അറസ്റ്റില്
കോഴിക്കോട് ഗര്ഭിണിയായ യുവതി ആത്മഹത്യ ചെയ്ത സംഭവത്തില് ഭര്ത്താവും ഭര്തൃമാതാവും അറസ്റ്റിലായി. കോഴിക്കോട് തൊട്ടില്പാലം സ്വദേശിനി അസ്മിന മരിച്ച കേസിലാണ് ഭര്ത്താവ് ജംഷീര്, ഭര്തൃമാതാവ് നഫീസ എന്നിവരെ നാദാപുരം ഡിവൈഎസ്പിയുടെ നേതൃത്വത്തിലുള്ള സംഘമാണ് അറസ്റ്റ് ചെയ്തത്.
മാര്ച്ച് 13നാണ് സംഭവം നടന്നത്. അഞ്ചുമാസം ഗര്ഭിണിയായ അസ്മിനയെ ഭര്തൃവീട്ടില് തൂങ്ങിമരിച്ച നിലയില് കണ്ടെത്തുകയായിരുന്നു. ഭര്ത്താവും കുടുംബവും അസ്മിനയെ മാനസികമായും ശാരീരികമായും പീഡിപ്പിച്ചതായി അസ്മിനയുടെ ബന്ധുക്കള് തൊട്ടില്പ്പാലം പൊലീസില് നല്കിയ പരാതിയുടെ അടിസ്ഥാനത്തില് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.
പ്രതികളെ അറസ്റ്റു ചെയ്തില്ലെന്നാരോപിച്ച് വെള്ളിയാഴ്ച ആക്ഷന് സമിതി രൂപീകരിക്കുകയുണ്ടായി. ഇതിനു പിന്നാലെയാണ് നാദാപുരം ഡിവൈഎസ്പിയുടെ നേതൃത്വത്തിലുള്ള സംഘം ജംഷീറിനെയും നഫീസയെയും അറസ്റ്റു ചെയ്തത്. ഗാര്ഹിക പീഡനം, ആത്മഹത്യാപ്രേരണ തുടങ്ങിയ വകുപ്പുകള് പ്രകാരമാണ് അറസ്റ്റ്.
അതേസമയം കേസില് കൂടുതല് അറസ്റ്റുണ്ടായേക്കുമെന്നാണ് സൂചനകള് .
"
https://www.facebook.com/Malayalivartha