ബിജെപി തിരഞ്ഞെടുപ്പ് ഫണ്ട് തട്ടിപ്പ് കേസില്‍ തിരുവനന്തപുരം സിറ്റി പൊലീസ് കമ്മീഷണര്‍ക്ക് പരാതി നല്‍കി സംസ്ഥാന സെക്രട്ടറി എം പി അഞ്ജന. തന്റെ പേരില്‍ വ്യാജ ശബ്ദ സന്ദേശം ഉപയോഗിച്ച് മാധ്യമങ്ങള്‍ വാര്‍ത്ത നല്‍കുന്നു എന്നാണ് പരാതി. കഴിഞ്ഞ നിയമസഭാ തിരഞ്ഞെടുപ്പില്‍ 3 സീറ്റ് ലഭിച്ച് തല ഉയര്‍ത്തി നില്‍ക്കുന്നതിനിടെയാണ് ബിജെപിക്ക് തിരഞ്ഞെടുപ്പ് ഫണ്ട് വിവാദത്തില്‍ വന്‍ തിരിച്ചടി ഏറ്റിരിക്കുന്നത്.

എന്നാല്‍ തിരുമറി ഒന്നും നടന്നിട്ടില്ലെന്നാണ് നേതൃത്വത്തിന്റെ വിശദീകരണം. എന്നാല്‍ ഇതിനിടെ തെളിവുകള്‍ ഓരോന്നായി പുറത്തുവരികയും ചെയ്തു. കഴിഞ്ഞദിവസം പുറത്തുവന്ന കരാറുകാരന്റെ ഓഡിയോ സംഭാഷണത്തിനെതിരെയാണ് നിലവില്‍ ആരോപണ വിധേയയായ സംസ്ഥാന സെക്രട്ടറി എം പി അഞ്ജന രംഗത്തെത്തിയിരിക്കുന്നത്. മാധ്യമങ്ങള്‍ മനപ്പൂര്‍വ്വം തന്റെ പേരില്‍ വാര്‍ത്ത സൃഷ്ടിക്കുന്നു എന്ന് ചൂണ്ടിക്കാട്ടി തിരുവനന്തപുരം സിറ്റി പൊലീസ് കമ്മീഷണര്‍ക്ക് അഞ്ജന പരാതി നല്‍കി.

തിരഞ്ഞെടുപ്പ് ഫണ്ട് തിരിമുറിയുമായി ബന്ധപ്പെട്ട് അഞ്ജന ഉള്‍പ്പെടെ മൂന്ന് പേര്‍ക്കെതിരെ നടപടിയെടുത്തെങ്കിലും പാര്‍ട്ടി പിന്നീട് തിരുത്തി. നടപടിയുമായി ബന്ധപ്പെട്ട ചോദ്യത്തിന് പ്രതികരിക്കാന്‍ അഞ്ജന തയ്യാറായില്ല.പണ്ട് തിരുമറിയില്‍ തത്ക്കാലം നടപടി വേണ്ട എന്നാണ് പാര്‍ട്ടിയുടെ തീരുമാനം 18ന് സംസ്ഥാന അധ്യക്ഷന്‍ കേരളത്തില്‍ എത്തിയതിനുശേഷം വിശദമായ അന്വേഷണം ഉണ്ടാകുമെന്നും വിവരമുണ്ട്.