ആരോഗ്യ വകുപ്പ് ആടിയുലയുന്നു വീണ ജോര്ജ്ജ് കാണുന്നുണ്ടോ;സിപഎമ്മുകാര്ക്ക് യഥേഷ്ടം നിയമനം,ആരോഗ്യ വകുപ്പും പാര്ട്ടിയങ്ങ് വഹിച്ചു,ഇതുപോലൊരു പിടിപ്പുകെട്ട മന്ത്രി
കപ്പിത്താനില്ലാതെ ആരോഗ്യ വകുപ്പ് ആടിയുലയുന്നു സാര്. ഉള്ള ഒരു കപ്പിത്താന് വെറും വേസ്റ്റാണ്. ആരോഗ്യ വകുപ്പിനെ പാര്ട്ടി നിയമനങ്ങളുടെ വേദിയാക്കുന്നു. നിയമനങ്ങള് പാര്ട്ടി ഓഫീസില് നിന്ന് തീരുമാനിക്കുന്ന സ്ഥിതി. കുത്തഴിഞ്ഞ് കിടക്കുകയാണ് ഈ വകുപ്പ്. ആരോഗ്യ മന്ത്രി വീണ ജോര്ജ്ജിനോട് വാചകമടി നിര്ത്തിയിട്ട് ആ ആരോഗ്യ വകുപ്പൊന്ന് നോക്കുമോ. വെറുതെ പ്രഹസനത്തിന് മിന്നല് പരിശോധനകള് നടത്തിയിട്ട് കാര്യമില്ല വകുപ്പിനുള്ളില് എന്താണ് നടക്കുന്നതെന്ന ബോധം വേണം. സിപിഎമ്മുകാര്ക്ക് കയറി ഇറങ്ങി നിരങ്ങാനായിട്ടൊരു വകുപ്പാണിപ്പോള് ആരോഗ്യം. വീണ ജോര്ജ്ജിന്റെ പേര് വല്ലപ്പോഴും കേള്ക്കുന്നത് എന്തെങ്കിലും വിവാദമാകുമ്പോള്. അല്ലാതെ കേരളത്തിന് ഒരു ആരോഗ്യ മന്ത്രി ഉണ്ടെന്ന പ്രതീതിയേ ഇല്ല.
ആരോഗ്യ വകുപ്പിനും മന്ത്രി വീണ ജോര്ജ്ജിനുമെതിരെ പൊട്ടിത്തെറിച്ച് മുസ്ലിം യൂത്ത് ലീഗ് സംസ്ഥാന ജനറല് സെക്രട്ടറി പികെ ഫിറോസ്. നിയമനങ്ങള് പാര്ട്ടി ഓഫീസില് നിന്ന് തീരുമാനിക്കുന്ന സ്ഥിതിയാണ് എന്നാണ് ഫിറോസ് ഉന്നയിച്ചിരിക്കുന്ന ആരോപണം. ആയുഷ് മിഷന് കീഴിലുള്ള വിവിധ വകുപ്പുകളിലായി 900 പേരെ പിന്വാതില് വഴി നിയമിച്ചെന്നും പികെ ഫിറോസ് ആരോപിച്ചു. ആയുര്വേദം/ ഹോമിയോ വകുപ്പുകളിലടക്കം ഡോക്ടര്മാരെ വരെ ഒരു മാനദണ്ഡവും പാലിക്കാതെ നിയമിക്കുന്നു എന്നാണ് ആരോപണം. മുന്കൂട്ടി തയാറാക്കിയ പട്ടിക പ്രകാരമാണ് നിയമനങ്ങള് നടക്കുന്നത്. എടക്കര ആയുര്വേദ ആശുപത്രിയിലെ നിയമനങ്ങള് ഇതിന് ഉദാഹരണമാണ്. മലപ്പുറത്ത് മാത്രം 74 പാര്ട്ടി നിയമനങ്ങള് നടന്നു എന്നും ഇദ്ദേഹം പറയുന്നു.
പാര്ട്ടി പ്രവര്ത്തകരുടെ ബന്ധുക്കളെയും ഭാര്യമാരെയും തിരഞ്ഞുപിടിച്ച് നിയമിക്കുകയാണ്. ആരോഗ്യ വകുപ്പ് കപ്പിത്താനില്ലാതെ ആടി ഉലയുന്ന കപ്പലായി മാറി. മുഴുവന് നിയമനങ്ങളും സര്ക്കാര് അന്വേഷിക്കണം. താത്കാലിക നിയമനങ്ങള് അടക്കം റദ്ദാക്കി സമഗ്ര അന്വേഷണം നടത്തണം. ഇല്ലെങ്കില് സംസ്ഥാന വ്യാപക പ്രതിഷേധ പരിപാടികള് യൂത്ത് ലീഗ് ആരംഭിക്കും. പാര്ട്ടി ഭാരവാഹികള്ക്ക് ശമ്പളം മാത്രമല്ല, ഭാര്യക്ക് സര് ജോലിയും എന്നതാണ് ഇപ്പോഴത്തെ അവസ്ഥയെന്ന് അദ്ദേഹം കുറ്റപ്പെടുത്തി. പിന്വാതില് നിയമനങ്ങളെ നിയമപരമായും രാഷ്ട്രീയപരമായും നേരിടുമെന്ന് വ്യക്തമാക്കിയ യൂത്ത് ലീഗ് ജനറല് സെക്രട്ടറി ദേശീയ ആയുഷ് മിഷനടക്കം പരാതി നല്കുമെന്നും വ്യക്തമാക്കി. പത്രസമ്മേളനത്തില് ആരോപിച്ച കാര്യങ്ങള്: ദേശീയ ആയുര്മിഷന്റെ കീഴില് സംസ്ഥാനത്ത് തൊള്ളായിരത്തോളം പിന്വാതില് നിയമനങ്ങള് ആണ് ഈ സര്ക്കാര് നടത്തിയിട്ടുള്ളത്. പാര്ട്ടി പ്രവര്ത്തകരെയും നേതാക്കളുടെ ബന്ധുക്കളെയും മാനദണ്ഠങ്ങള് കാറ്റില് പറത്തിയാണ് ആരോഗ്യ വകുപ്പ് വഴി നിയമനം നടത്തിയിട്ടുള്ളത്. മതിയായ പരസ്യം നല്കാതെയും ഉദ്യോഗാര്ത്ഥികള്ക്ക് വേക്കന്സി സംബന്ധിച്ച് വിവരങ്ങള് ലഭ്യമാക്കെതെയും മുന്കൂട്ടി തയ്യാറാക്കിയ ലിസ്റ്റില് ഉള്ളവര്ക്ക് പങ്കെടുക്കാന് കഴിയുന്ന രീതിയിലുമാണ് ഇന്റര്വ്യൂകള് സംഘടിപ്പിക്കുന്നത്.
10,000 രൂപ മുതല് 45,000 രൂപ വരെ ശമ്പളനിരക്കുള്ള ജോലികള് ആണ് ഈ രീതിയില് പാര്ട്ടി നിയമനങ്ങള് നടത്തിക്കൊണ്ടിരിക്കുന്നത്.ആദ്യം താത്കാലിക നിയമനം പിന്നീട് സ്ഥിരം നിയമനം എന്ന രീതിയില് ആണ് മുന്നോട്ട് പോയിക്കൊണ്ടിരിക്കുന്നത്.ഇതേ കുറിച്ച് സമഗ്രമായ അന്വേഷണം നടത്താനും നിയമനങ്ങള് റദ്ദ് ചെയ്ത് സുതാര്യമായ രീതിയില് ഇന്റര്വ്യൂ നടത്തി നിയമനങ്ങള് നടത്തണമെന്നും മുസ്ലിം യൂത്ത് ലീഗ് ആവശ്യപ്പെടുന്നു. മലപ്പുറം ജില്ലയിലെ എടക്കര ഗവണ്മെന്റ് ആശുപത്രിയില് മാത്രം ആകെ 28 ജീവനക്കാരില് 3 സ്ഥിരം ജീവനക്കാരും 12 താത്കാലിക ജീവനക്കാരും പാര്ട്ടി നിയമനങ്ങളാണ്. താത്കാലിക ജീവനക്കാര് സ്ഥിരം നിയമനം ലഭിക്കുന്നതിന് വേണ്ടിയുള്ള നീക്കങ്ങള് ഇതിനകം ആരംഭിച്ച് കഴിഞ്ഞു, എന്നാണ് ആരോപണം
https://www.facebook.com/Malayalivartha
