ബിഎസ്എന്എല് ടവറിന് മുകളില് കയറി ആത്മഹത്യാ ഭീഷണി മുഴക്കി യുവാവ്
ബിഎസ്എന്എല് ടവറിന് മുകളില് കയറി ആത്മഹത്യാ ഭീഷണി മുഴക്കി യുവാവ്. എറണാകുളം ജില്ലയിലെ കാലടിയിലാണ് സംഭവം. ഒടുവില് ടവറിന് മുകളില് കയറിയ യുവാവിനെ അനുനയിപ്പിച്ച് താഴെയിറക്കി. കുട്ടമ്പുഴ സ്വദേശി അരുണാണ് ആത്മഹത്യാ ശ്രമം നടത്തിയത്. കഴിഞ്ഞ ദിവസം സമാനമായ രീതിയില് ആത്മഹത്യ ഭീഷണി മുഴക്കി മറ്റൊരു യുവാവും രംഗത്തെത്തിയിരുന്നു. കോട്ടയം ജില്ലയിലെ മാന്നാനത്തായിരുന്നു സംഭവം.
പൊലീസുകാരെയും നാട്ടുകാരെയും പരിഭ്രാന്തിയിലാക്കി മൊബൈല് ടവറിന്റെ മുകളില് കയറിയായിരുന്നു യുവാവിന്റെ ആത്മഹത്യാ ഭീഷണി. രണ്ടരമണിക്കൂര് നേരത്തെ ശ്രമത്തിനൊടുവിലാണ് മാമലക്കണ്ടം സ്വദേശിയായ യുവാവിനെ ടവറില് നിന്നും താഴെയിറക്കാന് പൊലീസിന് സാധിച്ചത്.
ഉച്ചക്ക് ഏതാണ്ട് രണ്ടരയോടെയാണ് ഇടുക്കി മാമലക്കണ്ടം സ്വദേശിയായ ഷിബു മാന്നാനം ഷാപ്പുംപടിയിലെ മൊബൈല് ടവറിന്റെ മുകളില് കയറിയത്. താന് ആത്മഹത്യ ചെയ്യാന് പോകുകയാണെന്ന് പറഞ്ഞ് ഒറ്റയിരുപ്പായിരുന്നു. ഫയര്ഫോഴ്സും നാട്ടുകാരും പൊലീസും ഒക്കെ സംഘടിച്ചെങ്കിലും അഞ്ച് മണി വരെ ഷിബു ടവറിന് മുകളില് തുടര്ന്നു.
ഒടുവില് രണ്ടും കല്പിച്ച് ഫയര്ഫോഴ്സ് ഉദ്യോഗസ്ഥര് ടവറിന് മുകളിലേക്ക് കയറാന് തീരുമാനിച്ചു. ഈ ഘട്ടത്തിലാണ് ഷിബു സ്വയം താഴേക്കിറങ്ങിയത്. നിലത്തിറങ്ങിയ ഷിബുവിനെ പൊലീസ് കസ്റ്റഡിയിലെടുത്തു. മദ്യലഹരിയിലായിരുന്നു ഷിബുവിന്റെ പരാക്രമം എന്ന് പൊലീസ് പറയുന്നു.
https://www.facebook.com/Malayalivartha
