രാഹുലിന് പണിയാകും... മന്ത്രിസഭാ യോഗത്തിനിടെ വൈക്കം സത്യാഗ്രഹത്തില് പങ്കെടുത്ത് പിണറായിയെ വാരിപ്പുകഴ്ത്തിയ സ്റ്റാലിന് ഡല്ഹിയില്; ലോക്സഭാ തിരഞ്ഞെടുപ്പിന് മുന്നോടിയായി സ്റ്റാലിന് വിളിച്ച യോഗം ഇന്ന് ഡല്ഹിയില്; ചങ്കിടിച്ച് കോണ്ഗ്രസും പങ്കെടുക്കും
കഴിഞ്ഞ ദിവസം വൈക്കത്ത് തമിഴ്നാട് മുഖ്യമന്ത്രി സ്റ്റാലിന് കേരളത്തേയും പിണറായിയേയും പുകഴ്ത്തിയത് നമ്മള് കണ്ടതാണ്. തൊട്ടടുത്ത ദിവസം നിര്ണായക നീക്കം നടത്തി സ്റ്റാലിന്. ലോക്സഭാ തിരഞ്ഞെടുപ്പിന് മുന്നോടിയായി സ്റ്റാലിന് നിര്ണായക നീക്കത്തിലേക്ക്. ഇന്ന് ഡല്ഹിയില് വിളിച്ചു കൂട്ടുന്ന യോഗത്തില് ഇരുപതോളം ബി.ജെ.പി ഇതര പാര്ട്ടികളുടെ നേതാക്കള് പങ്കെടുക്കുമെന്ന് ഡി.എം.കെ നേതാക്കള് പറഞ്ഞു.
കഴിഞ്ഞ വര്ഷം സ്റ്റാലിന് സ്ഥാപിച്ച ആള് ഇന്ത്യ സോഷ്യല് ജസ്റ്റിസ് ഫോറത്തിന്റെ രണ്ടാം ദേശീയ സമ്മേളനത്തിന്റെ ഭാഗമായുള്ള സോഷ്യല് ജസ്റ്റിസ് ദി റോഡ് എഹെഡ് എന്ന പരിപാടിക്കാണ് പ്രതിപക്ഷ പാര്ട്ടികളെ ക്ഷണിച്ചത്. രാജസ്ഥാന് മുഖ്യമന്ത്രി അശോക് ഗെലോട്ട്, ഝാര്ഖണ്ഡ് മുഖ്യമന്ത്രി ഹേമന്ത് സോറന്, ബിഹാര് ഉപ മുഖ്യമന്ത്രി തേജസ്വി യാദവ് തുടങ്ങിയ നേതാക്കളെ ക്ഷണിച്ചിട്ടുണ്ട്.
മല്ലികാര്ജുന് ഖാര്ഗെ, അഖിലേഷ് യാദവ്, ഫാറുഖ് അബ്ദുള്ള തുടങ്ങിയ നേതാക്കളും യോഗത്തിനെത്തും. മമതാ ബാനര്ജി, കെ.ചന്ദ്രശേഖര് റാവു, അരവിന്ദ് കേജ്രിവാള് എന്നിവര് തങ്ങളുടെ പ്രതിനിധികളെ അയയ്ക്കും. കോണ്ഗ്രസിനും ബിജെപിക്കും ബദലായി 1989 ല് വി.പി സിംഗ് ഉയര്ത്തിക്കൊണ്ടു വന്ന സാമൂഹിക നീതി വിഷയമാണ് തമിഴ്നാട് മുഖ്യമന്ത്രി എം.കെ സ്റ്റാലിന് ദേശീയ രാഷ്ട്രീയത്തിലേക്കുള്ള തന്റെ നീക്കത്തിനായി ഉപയോഗിക്കുന്നത്.
ഇതില് സ്റ്റാലിനൊപ്പം കോണ്ഗ്രസുമുണ്ടെന്ന വ്യത്യാസം മാത്രം. രാജ്യത്ത് ജാതി സെന്സസ് നടത്തണമെന്ന ആവശ്യവും യോഗത്തില് ചര്ച്ചയാകും. ഇത് ദേശീയ രാഷ്ട്രീയ ബദലിനായുള്ള നീക്കമല്ലെന്നും സാമൂഹ്യനീതിക്കായി പോരാട്ടം നടത്തുന്ന പ്രസ്ഥാനം രാജ്യം മുഴുവന് വ്യാപിപ്പിക്കുകയാണ് ലക്ഷ്യമെന്നും സോഷ്യല് ജസ്റ്റിസ് ഫെഡറേഷന് കണ്വീനറും ഡി.എം.കെ നേതാവുമായ പി. വില്സണ് എം.പി പറഞ്ഞു.
വൈക്കം സത്യഗ്രഹം കേരളത്തിന് മാത്രമല്ല, ഇന്ത്യയിലെ തന്നെ ഏറ്റവും വലിയ പോരാട്ടമാണെന്ന് തമിഴ്നാട് മുഖ്യമന്ത്രി എം.കെ സ്റ്റാലിന് കഴിഞ്ഞ ദിവസം പറഞ്ഞു. മലയാളത്തില് പ്രസംഗം ആരംഭിച്ച തമിഴ്നാട് മുഖ്യമന്ത്രി, ദ്രാവിഡ ഭാഷ കുടുംബത്തില്പ്പെട്ട മലയാളം സംസാരിക്കുന്ന കേരളത്തിലെ പ്രിയ സഹോദരീ സഹോദരന്മാരെ എന്ന് അഭിസംബോധന ചെയ്താണ് ആരംഭിച്ചത്. പരിപാടി സംഘടിപ്പിച്ചതിന് തമിഴ് മക്കളുടെ പേരില് നന്ദി അറിയിക്കുന്നുവെന്നും വ്യക്തമാക്കി.
മുഖ്യമന്ത്രി പിണറായി വിജയന് നേരത്തെ ക്ഷണിച്ചിരുന്നു. ശരീരം കൊണ്ട് രണ്ടാണെങ്കിലും ചിന്തകൊണ്ട് താനും പിണറായി വിജയനും ഒന്നാണ്. വൈക്കം കേരളത്തിലാണെങ്കിലും തമിഴ്നാടിനും ഏറെ പ്രിയപ്പെട്ടതാണ്. വൈക്കം സത്യഗ്രഹത്തിന് നേതൃത്വം നല്കിയ എല്ലാവരെയും ഓര്ക്കുന്നു. തമിഴ്നാട്ടില് നിന്നും പെരിയോരും കേരളത്തില് നിന്നും ടി കെ മാധവനും ചേര്ന്ന് നടത്തിയ പോരാട്ടമാണ്. ഒരു ഘട്ടത്തില് സമരം അവസാനിപ്പിക്കേണ്ടി വരുമെന്ന് ആളുകള് കരുതി. അപ്പോഴാണ് പെരിയോര് എത്തുന്നതെന്നും കേരളത്തില് ഉടനീളം പെരിയോര് വൈക്കം സമരത്തിനായി സംസാരിച്ചുവെന്നും അദ്ദേഹം ഓര്മിപ്പിച്ചു.
ദ്രാവിഡഭാഷ കുടുംബത്തില്പ്പെട്ട മലയാളം സംസാരിക്കുന്ന കേരളത്തിലെ എന്റെ പ്രിയ സഹോദരീ സഹോദരന്മാരെ നിങ്ങള് എല്ലാവര്ക്കും സ്വാഗതം. ഈ പരിപാടി സംഘടിപ്പിച്ചതിന് തമിഴ് മക്കളുടെ പേരില് നന്ദി അറിയിക്കുന്നു എന്നും സ്റ്റാലിന് പറഞ്ഞു.
വൈക്കം ബീച്ച് മൈതാനിയിലായിരുന്നു ഉദ്ഘാടന ചടങ്ങ്. ഉദ്ഘാടന ചടങ്ങിനുമുമ്പ് വലിയകവലയിലെ വൈക്കം തന്തൈ പെരിയാര് സ്മാരകത്തിലും മഹാത്മാഗാന്ധി, ടി.കെ.മാധവന്, മന്നത്ത് പദ്മനാഭന് എന്നിവരുടെ സ്മൃതിമണ്ഡപങ്ങളിലും കുഞ്ഞാപ്പി, ബാഹുലേയന്, ഗോവിന്ദപ്പണിക്കര്, ആമചാടി തേവന്, രാമന് ഇളയത് എന്നീ സത്യാഗ്രഹികളുടെ സ്മൃതിമണ്ഡപങ്ങളിലും ഇരുവരും പുഷ്പാര്ച്ചന നടത്തി. സാംസ്കാരിക വകുപ്പിന്റെ നേതൃത്വത്തിലാണ് ഉദ്ഘാടനച്ചടങ്ങ് നടന്നത്. അതിനിടെ നോട്ടീസില് എല്എയുടെ പേര് വച്ചില്ലെന്ന് പറഞ്ഞ് അതും സിപിഐ വിവാദമാക്കി.
"
https://www.facebook.com/Malayalivartha
