ബഹിരാകാശത്ത് എത്തി ഉപഗ്രഹങ്ങള് വിക്ഷേപിച്ച് മടങ്ങിയെത്തുന്ന വിമാനരൂപത്തിലുള്ള പുനരുപയോഗ റോക്കറ്റ് ഭൂമിയിലെ റണ്വേയിലിറക്കുന്ന പരീക്ഷണത്തില് ചരിത്രവിജയം കുറിച്ച് ഇന്ത്യ
ബഹിരാകാശത്ത് എത്തി ഉപഗ്രഹങ്ങള് വിക്ഷേപിച്ച് മടങ്ങിയെത്തുന്ന വിമാനരൂപത്തിലുള്ള പുനരുപയോഗ റോക്കറ്റ് ഭൂമിയിലെ റണ്വേയിലിറക്കുന്ന പരീക്ഷണത്തില് ചരിത്രവിജയം കുറിച്ച് ഇന്ത്യ.
കര്ണാടകത്തിലെ ചിത്രദുര്ഗയിലെ ഐ.എസ്.ആര്.ഒ.യുടെ എയ്റോനോട്ടിക്കല് ടെസ്റ്റ് റേഞ്ചിലെ റണ്വേയില് ഇന്നലെ രാവിലെയായിരുന്നു പരീക്ഷണം. തിരിച്ചിറങ്ങാനും അടുത്ത വിക്ഷേപണത്തിനായി ബഹിരാകാശത്തേക്ക് കുതിക്കാനും ഇത്തരം റോക്കറ്റുകള്ക്ക് കഴിയും.
വിക്ഷേപണച്ചെലവ് കുത്തനെ കുറയ്ക്കാനും ബഹിരാകാശ ടൂറിസത്തിനും ആകാശയാത്രകള്ക്ക് അതിവേഗ ബഹിരാകാശ വാഹനങ്ങള് ഉപയോഗിക്കുന്ന പദ്ധതികള്ക്കും സ്പെയ്സ് സ്റ്റേഷന് പദ്ധതിക്കും പ്രയോജനപ്പെടുന്നതാണ് ഈ പരീക്ഷണവിജയം. ഇതിലെ സാങ്കേതികവിദ്യകള് ജി.എസ്.എല്.വി, പി.എസ്.എല്.വി.റോക്കറ്റുകളുടെ മികച്ച പ്രവര്ത്തനത്തിനുപകരിക്കും.
സ്പെയ്സ് എക്സിന്റെ ഫാല്ക്കണ് റോക്കറ്റുകളുള്പ്പെടെയുള്ള പുനരുപയോഗ റോക്കറ്റുകള് കടലിലെ പ്രത്യേക ബാര്ജുകളിലാണ് ഇറക്കുന്നത്.
ഐ.എസ്.ആര്.ഒ.ചെയര്മാന് ഡോ.എസ്.സോമനാഥിന്റെ നേതൃത്വത്തില് വി.എസ്.എസ്.സി.ഡയറക്ടര് ഡോ.എസ് ഉണ്ണികൃഷ്ണന്നായര്, എ.ടി.എസ്.പി.പ്രോഗ്രാം ഡയറക്ടര് ശ്യാംമോഹന്.എന്. എന്നിവരാണ് പരീക്ഷണത്തിന് നേതൃത്വം നല്കിയത്.
"
https://www.facebook.com/Malayalivartha
